ნახეთ: Coldplay და ბრიუს სპრინგსტინი Dancing in the Dark-ს ასრულებენ

ფოტო: Danny Clinch

ბრიტანულმა როკ ბენდმა Coldplay ნიუ ჯერსიში, მიდოულენდსის სპორტულ კომპლექსში კონცერტი გამართა, რა დროსაც მას სცენაზე ამერიკელი მუსიკოსი, ბრიუს სპრინგსტინი შეუერთდა. არტისტებმა ამ უკანასკნელის ჰიტი Dancing in the Dark შეასრულეს. ეს სიტყვები კრის მარტინს მარცხენა ხელზე აქვს ამოსვირინგებული.

“გამარჯობა, ნიუ ჯერსი. კრისს ამ სიმღერის სახელი მკლავზე აწერია. ასე რომ, უნდა ვიმღერო ის”, – მიმართა სპრინგსტინმა დამსწრე აუდიტორიას და 2009 წლის ალბომში Working on a Dream შესული კომპოზიციის შესრულება დაიწყო.

აღსანიშნავია, რომ “ქოლდფლეი” ამერიკულ ტურნეს Music of the Spheres ფილადელფიაში გააგრძელებს, შემდეგ კი ქალაქ ატლანტასა და ტამპას ეწვევა. 

Coldplay ლონდონში 1996 წელს ჩამოყალიბდა. კარიერის განმავლობაში კოლექტივს 100 მილიონზე მეტი ჩანაწერი აქვს გაყიდული. ჯგუფის სამი სტუდიური ნამუშევარი – Parachutes, A Rush of Blood to the Head და X&Y დიდი ბრიტანეთის ჩარტების ისტორიაში ყველა დროის ყველაზე პოპულარულ ალბომებს შორის მოხვდა. შვიდი გრემის მფლობელ ბენდს ჯამში 9 ჩანაწერი აქვს გამოშვებული.

ბრიუს სპრინგსტინმა კი შემოქმედებითი კარიერა 1964 წელს დაიწყო. 1973 წელს როკ მუსიკოსმა სადებიუტო ნამუშევარი Greetings from Asbury Park, N.J. გაავრცელა. ამის შემდეგ მან 20 სტუდიური და 7 ლაივ ალბომი გამოსცა. 20 გრემის, 2 ოქროს გლობუსისა და ოსკარის მფლობელ არტისტს კარიერის განმავლობაში 150 მილიონზე მეტი ჩანაწერი აქვს გაყიდული. სპრინგსტინი სონგრაითერებისა და როკ-ენ-როლის დიდების დარბაზებში არის შეყვანილი.

Share
Tweet
Share
Share
Share

წინა სტატია

უიქენდისა და Daft Punk-ის კლიპის I Feel It Coming ნახვებმა იუთუბზე მილიარდს გადააჭარბა

შემდეგი სტატია

Queen ფრედი მერკურის აქამდე უცნობ ჩანაწერს გამოუშვებს

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი