Machine Gun Kelly ახალ სინგლს 10 ივნისს გაავრცელებს

ფოტო: Vijat Mohindra/Billboard

კლივლენდელი მუსიკოსი, მეშინ გან ქელი ალბომის Mainstream Sellout გამოშვებიდან ორი თვის თავზე, 10 ივნისს ახალ სინგლს More Than Life ჩაუშვებს გაყიდვაში. შემსრულებელმა ნამუშევარი ინსტაგრამზე დააანონსა და გამოქვეყნებულ გალერეაში ჩანაწერის გარეკანიც შეიტანა.

“სიმღერა More Than Life და მისი ვიდეო გამოქვეყნდება პარასკევს”, – დაწერა არტისტმა სოციალურ ქსელში.

More Than Life შემსრულებლის ბოლო ალბომის Mainstream Sellout ვინილ ვერსიაში შევა, რომელიც 24 ივნისს გამოიცემა. 32 წლის მუსიკოსის ორიგინალური ჩანაწერი გამოსვლიდან ერთ კვირაში Billboard 200-ის ჩარტის სათავეში მოხვდა და მასში ჯამში 10 კვირა გაატარა. 

კოლსონ ბეიკერი, ფსევდონიმით Machine Gun Kelly, შტატ ოჰაიოს ქალაქ კლივლენდში მცხოვრები რეპერი, მომღერალი და მსახიობია. არტისტი ფართო საზოგადოებამ 2010 წელს გაიცნო, როდესაც საკუთარი სახსრებით მიქსტეიპი Lace Up გამოუშვა. ორი წლის შემდეგ გაყიდვაში ამავე სახელწოდების ალბომი ჩაეშვა, რომელმაც Billboard 200-ის ჩარტში მეოთხე ადგილი დაიმსახურა. ქელის მოღვაწეობის განმავლობაში 6 სტუდიური ალბომი აქვს გამოცემული. პირველი ოთხი ჰიპ ჰოპ ნამუშევარია, ორი Tickets to My Downfall და Mainstream Sellout კი პოპ პანკი, რომლებზეც დრამერ ტრევის ბარკერთან ერთად იმუშავა.

Share
Tweet
Share
Share
Share

წინა სტატია

ნახეთ: ჯეკ უაითი ახალ კლიპს If I Die Tomorrow ავრცელებს

შემდეგი სტატია

ბრიტნი სპირსმა 15 წლის ჯასტინ ბიბერთან შეხვედრა გაიხსენა

შეიძლება დაგაინტერესოთ

Radiohead-ის გიტარისტი ჯონი გრინვუდი ისრაელში გამართული კონცერტით გამოწვეულ კრიტიკას გამოეხმაურა

სოციალურ ქსელში მუსიკოსი მას შემდეგ გააკრიტიკეს, რაც მან და ებრაელმა არტისტმა დუდუ ტასამ თელ-ავივში კონცერტი გამართეს.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი