ამერიკელმა პოპვარსკვლავმა, ბრიტნი სპირსმა ინსტაგრამზე გაიხსენა, როგორ შეხვდა კანადელ კოლეგას, პატარა ჯასტინ ბიბერს წლების წინ თავისი ტურნეს ფარგლებში გამართულ ერთ-ერთ კონცერტზე. ბრიტნიმ ვიდეოც გამოაქვეყნა, რომელშიც ჯასტინისა და ედ შირანის ჰიტზე I Don’t Care ცეკვავს.
• ბრიტნი სპირსი: ცხოვრებაში ასეთი ბედნიერი არ ვყოფილვარ
View this post on Instagram
აღსანიშნავია, რომ ბრიტნის საქმრომ, სემ ასგარიმ გასულ კვირას მომღერლისა და მისი შვილის დაკარგვის შესახებ ისაუბრა. სპირსმა ორსულობის თაობაზე ინფორმაცია საზოგადოებას 14 მაისს ამცნო, მოგვიანებით კი მუცელი მოეშალა.
ბრიტნი სპირსმა შემოქმედებითი მოღვაწეობა 1992 წელს დაიწყო. მუსიკოსმა პირველი ორი კომერციულად წარმატებული ალბომით ყველა დროის ყველაზე გაყიდვადი თინეიჯერის სტატუსი შეიძინა. შემსრულებლის ცხრა სტუდიური ჩანაწერიდან ექვსი Billboard 200-ის სათავეშია მოხვედრილი. გრემის მფლობელ მომღერალს 150 მილიონზე მეტი ჩანაწერი აქვს გაყიდული. ბრიტნის ჰოლივუდის დიდების ხეივანში ვარსკვლავიც გაუხსნეს.
