ცნობილი პოპ მუსიკოსი, კელი კლარკსონი ახალ EP-ის სახელწოდებით Kellyoke ავრცელებს, რომელშიც მის საავტორო გადაცემაში The Kelly Clarkson Show ნამღერი კომპოზიციების ქავერ ვერსიები შევიდა.
• ნახეთ: კელი კლარკსონმა ჯორჯ მაიკლის Careless Whisper შეასრულა
ჩანაწერში სულ ექვსი ტრეკია წარმოდგენილი, ესენია: ლინდა რონსტადტის Blue Bayou, უიქენდის Call Out My Name, უიტნი ჰიუსტონის Queen of the Night, შეიდის Trampoline, ბილი აილიშის Happier Than Ever და ჯგუფ Radiohead-ის ჰიტი Fake Plastic Trees.
აღსანიშნავია, რომ კელიმ კრებულის გამოშვებამდე სოციალურ ქსელ ტვიტერზე თაყვანისმცემლებს ჰკითხა, რომელი ქავერ ვერსიები შეეტანა ჩანაწერში.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
