ამერიკელი არენბი შემსრულებელი SZA წარმატებული სადებიუტო ალბომის Ctrl ხუთი წლის იუბილესთან დაკავშირებით ჩანაწერის დელუქს ვერსიას აქვეყნებს. მასში ორიგინალურ კომპოზიციებთან ერთად 7 ახალი სიმღერაა წარმოდგენილი. ესენია სინგლის Love Galore ალტერნატიული ვერსია, 2AM, Miles, Percolator, Awkward, Jodie და Tread Carefully.
This is JUST a gift for camp ctrl . Nothing more nothing less . if u family you get it . 5 yrs is a long time . Thank you for changing my life I love you . Happy anniversary 🤍 #HAPPYCTRLANNIVERSARY
— SZA (@sza) June 9, 2022
ნიუ ჯერსელმა სოლანა როუიმ, ფსევდონიმით SZA, მუსიკალური კარიერა 2011 წელს დაიწყო. მისი შემოქმედება არენბის, ნეო სოულისა და ჰიპ ჰოპის სინთეზია. გრემის მფლობელი მუსიკოსი, რომელიც ცნობილი გაერთიანების Top Dawg Entertainment წევრია, ფართო საზოგადოებამ 2014 წელს გავრცელებული სტუდიური ჩანაწერით Z გაიცნო. 2017 წელს გაყიდვაში არტისტის სადებიუტო ალბომი Ctrl ჩაეშვა, რომელმაც კრიტიკოსების მაღალი შეფასებები, თავად ავტორმა კი კიდევ უფრო დიდი აღიარება დაიმსახურა. მსოფლიო მასშტაბით ნამუშევრის 2 მილიონზე მეტი ასლია გაყიდული.
