ნახეთ: BTS ახალ კლიპს Yet to Come (The Most Beautiful Moment) ავრცელებს

ფოტო: Big Hit Entertainment/AMA2020/GI

სამხრეთკორეული ბენდი BTS ახალ სინგლს Yet to Come (The Most Beautiful Moment) და მასზე გადაღებულ ვიდეორგოლს ავრცელებს. “საუკეთესო მომენტები ჯერ კიდევ წინაა”, – მღერიან მუსიკოსები ტრეკის მისამღერში.

მოუსმინეთ: BTS კრებულს Proof ავრცელებს

კომპოზიცია ბენდის კრებულში Proof არის წარმოდგენილი, რომელიც 10 ივნისს ჩაეშვა გაყიდვაში. 

“კომპოზიციების ანთოლოგია “ბითიესის” ისტორიას მოგვითხრობს. ბიჭები 9-წლიანი მოღვაწეობის შემდეგ კარიერის ახალ ეტაპზე გადადიან. კრებული მოიცავს სამ კომპაქტ-დისკს, რომლებზეც ბევრი ტრეკი იქნება თავმოყრილი, მათ შორის სამი ახალი სიმღერა. ნამუშევარი გვაჩვენებს ჯგუფის წევრების ფიქრებსა და იდეებს წარსულიდან, აწმყოდან და მომავლიდან”, – განაცხადა ჯგუფის ლეიბლმა Big Hit Entertainment.

კრებულის ორ კომპაქტ დისკზე არსებული ტრეკები მუსიკალურ პლატფორმებზე ციფრულად არის ხელმისაწვდომი, მესამე დისკი კი მხოლოდ ფიზიკური სახით გამოიცა. მასზე მსმენელი ისეთი სიმღერების დემო და აკაპელა ვერსიებს იხილავს, როგორებიცაა: Still With You, Epiphany, Boy In Luv, Boyz with Fun, Seesaw და სხვა.

BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

მოუსმინეთ: BTS კრებულს Proof ავრცელებს

შემდეგი სტატია

ნახეთ: დემი ლოვატომ პოპ პანკ სინგლი Skin of My Teeth გამოუშვა

შეიძლება დაგაინტერესოთ

SZA

SZA-ს ახალი სინგლი Saturn

სიმღერის დებიუტი Mastercard-ის რეკლამაში შედგა, რომელიც 2024 წლის გრემის დაჯილდოებაზე გავიდა. მუსიკოსმა დაჯილდოებაზე სამი ჯილდო მიიღო.
მეტი