ცნობილმა სამხრეთკორეულმა ბოიბენდმა BTS ლეიბლ BigHit Music-თან თანამშრომლობით კრებული Proof გამოუშვა. სამი დისკისგან შემდგარ ნამუშევარში შესული ჰიტები ჯგუფის წევრებმა: არემმა, ჯიმინმა, ჯინმა, ჯონგუქმა, ვიმ, შუგამ და ჯეი ჰოუპმა პერსონალურად შეარჩიეს. მასში ასევე ახალი სინგლი Yet to Come (The Most Beautiful Moment) არის წარმოდგენილი.
კრებულის ორ კომპაქტ დისკზე არსებული ტრეკები მუსიკალურ პლატფორმებზე ციფრულად არის ხელმისაწვდომი, მესამე დისკი კი მხოლოდ ფიზიკური სახით გამოიცა. მასზე მსმენელი ისეთი სიმღერების დემო და აკაპელა ვერსიებს იხილავს, როგორებიცაა: Still With You, Epiphany, Boy In Luv, Boyz with Fun, Seesaw და სხვა.
ალბომთან ერთად ჯგუფმა ახალ ტრეკზე Yet to Come (The Most Beautiful Moment) გადაღებული ვიდეორგოლიც Yet to Come (The Most Beautiful Moment) გამოაქვეყნა.
BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.
