სამხრეთკორეულმა ბოიბენდმა BTS ახლახან გაურკვეველი ვადით შემოქმედებითი პაუზა აიღო, რათა ბიჭებმა სოლო პროექტებზე დაიწყონ მუშაობა. კოლექტივის თაყვანისმცემლებმა მონაწილეობა მიიღეს გამოცემა Billboard-ის გამოკითხვაში “ჯგუფის რომელი წევრის ნამუშევარს ელოდები?”. შედეგებით დადგინდა, რომ არმი ყველაზე მეტად ჯიმინის ჩანაწერს ელის. მას ხმების 28% ერგო. მეორე ადგილზე კი 22%-ით ჯინი გავიდა.
• მოუსმინეთ: BTS-ის ჯონგუქმა ფანებს სიმღერა My You მიუძღვნა
“ბითიესმა” პაუზის შესახებ 14 ივნისს განაცხადა, რასაც თაყვანისმცემლების ვნებათაღელვა მოჰყვა. არემმა მოგვიანებით დააანონსა, რომ პირველ სოლო ალბომს ჯეი-ჰოუპი გაავრცელებს.
ჯონგუქმა კი აპლიკაციაში V LIVE პირდაპირი ჩართვისას კიდევ ერთხელ გაიმეორა, რომ ბენდი არ იშლება და არტისტები დამოუკიდებელ ჩანაწერებზე იმუშავებენ. ხოლო კოლექტივი კვლავ განაგრძობს სხვადასხვა საერთო პროექტზე მუშაობას, მათ შორის Run BTS-ზე.
ჯგუფი BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.
