პოპულარული პოპ როკ კოლექტივის, Coldplay-ს ფრონტმენმა, კრის მარტინმა ერთ-ერთი პატარა ბრიტანული სოფლის, ჰინტონ ჩარტერჰაუსის პაბში The Stag Inn ექსპრომტად სიმღერა შეასრულა. გავრცელებულ ვიდეოში მუსიკოსი ახლად დანიშნულ წყვილს დაგეგმილი საქორწინო ცერემონიის შესახებ ესაუბრება, შემდეგ კი 2014 წლის ჰიტს A Sky Full of Stars მღერის.
You never know who might pop in for a pint! @coldplay what a lovely man he is. pic.twitter.com/V3INYbD0rB
— The Stag inn (@StaginnHinton) June 27, 2022
“ქოლდფლეი” ამჟამად მსოფლიო ტურნეს Music of the Sphere World Tour იწყებს, რომელიც 2 ივლისს გერმანიის ქალაქ ფრანკფურტით გაიხსნება. ამის შემდეგ კოლექტივი ვარშავას, ბერლინს, ბრიუსელსა და ლონდონს ეწვევა.
Coldplay ლონდონში 1996 წელს ჩამოყალიბდა. კარიერის განმავლობაში კოლექტივს 100 მილიონზე მეტი ჩანაწერი აქვს გაყიდული. ჯგუფის სამი სტუდიური ნამუშევარი – Parachutes, A Rush of Blood to the Head და X&Y დიდი ბრიტანეთის ჩარტების ისტორიაში ყველა დროის ყველაზე პოპულარულ ალბომებს შორის მოხვდა. შვიდი გრემის მფლობელ ბენდს ჯამში 9 ჩანაწერი აქვს გამოშვებული.
