კატარში, 2022 წლის FIFA-ს მსოფლიო ჩემპიონატზე, 26 ნოემბერს არგენტინა-მექსიკის თამაში არგენტინას სასარგებლოდ 2-0 დასრულდა. სოციალურ მედიაში არგენტინელი ფეხბურთელების ვიდეო გავრცელდა, სადაც, ფეხბურთელები გამარჯვებას La Mosca-ს სიმღერით Muchachos, Ahora Nos Volvimos a Ilusionar აღნიშნავენ.
@elgrafico Nos volvimos a ilusionar 😍 gracias @Nicolas Otamendi #fifaworldcup ♬ sonido original – El Gráfico | El mejor fútbol
სიმღერა Muchachos მას შემდეგ მოექცა ყურადღების ცენტრში, რაც ლიონელ მესიმ არგენტინულ არხთან ინტერვიუში მის საყვარელ სიმღერად დაასახელა. ტექსტში თავად ფეხბურთელი, ლიონელ მესიც კი არის ნახსენები:
“მე დავიბადე არგენტინაში, დიეგოსა და ლიონელების ქვეყანაში. ბავშვები ფოლკლენდის კუნძულიდან, რომელთაც არასოდეს დავივიწყებთ.”
სიმღერის თავდაპირველი სახელწოდება Muchachos, Esta Noche Me Emborracho (ბიჭებო, ამაღამ დავთვრები) იყო, რომელიც 2003 წელს La Mosca-ს ვოკალისტ გილერმო ნოვალისის და სერგიო კაირატის მიერ დაიწერა. 2021 წლის ივლისში, ფერნანდო რომერომ სიმღერისთვის ახალი ტექსტი დაწერა, რომელიც კოპა ამერიკის საფეხბურთო ფინალამდე, არგენტინის განვლილ გზას მიეძღვნა. მუსიკოსის გადამღებ ჯგუფთან შემთხვევითმა შეხვედრამ სიმღერა ვირუსული გახდა, რომელმაც ლიონელ მესის და მისი თანაგუნდელების ყურადღებაც მიიპყრო.
სიმღერის ახალმა ვერსიამ, მისი ავტორების – გილერმო ნოვალისის და ბენდის La Mosca – ის ინტერესი გამოიწვია. მათ ახალი ვერსია ჩაწერეს და მსოფლიო ჩემპიონატის დაწყებამდე ორი კვირით ადრე გამოსცეს.
ნახეთ სიმღერა Muchachos ახალი ვერსია:
