დევიდ ლინჩის გამორჩეული ფილმების Blue Velvet, Twin Peaks და Mulholland Drive საკულტო მუსიკა ცნობილმა კომპოზიტორმა ანჯელო ბადალამენტიმ შექმნა, რომელიც 85 წლის ასაკში გარდაიცვალა.
ანჯელო ბადალამენტი კვირას, ოჯახის გარემოცვაში გარდაიცვალა. ამის შესახებ The Hollywood Reporter-ს მისმა დისშვილმა, ფრენსის ბადალამენტიმ განუცხადა.
ხანგრძლივი კარიერის განმავლობაში კომპოზიტორი თანამშრომლობდა სხვადასხვა მუსიკალური ჟანრის ცნობილ მომღერლებთან: ნინა სიმონე, ნენსი უილსონი, შირლი ბეისი, პეტი ოსტინი, დევიდ ბოუი, პოლ მაკარტნი, მერიან ფეითფული, ლაიზა მინელი, მელ ტილისი, Pet Shop Boys, Anthrax, დოლარეს ორიორდანი, ტიმ ბუთი და LL Cool J.
ანჯელო ბადალამენტიმ 1990 წელს Twin Peaks-ის საკულტო მუსიკის შექმნისთვის გრემი მიიღო, ხოლო 2008 წელს, მსოფლიო საუნდტრეკების ჯილდო მიენიჭა და მოგვიანებით ჰენრი მანჩინის პრესტიჟული ჯილდოც გადაეცა.
