შაბათს ბრიუსელში გამართულ პრემიერაზე ორსული Rihanna ლურჯ ხალიჩაზე გამოჩნდა. იგი ანიმაციური ფილმის, Smurfs-ის პროდიუსერი და სმურფეტის როლის გამხმოვანებელია.
პრემიერას ასევე ესწრებოდნენ მსახიობები ჯეიმს კორდენი და დენ ლევი. მოწვეულ სტუმართა უმეტესობას კი სმურფების სტილში, ლურჯი ფერის სამოსი ეცვათ.
© Nicolas Maeterlinck / Belga Mag / AFP via Getty Images
სმურფები ბელგიელი ილუსტრატორისა და კომიქსების ავტორის, პეოს მიერ შექმნილი მსოფლიოში ერთ-ერთი ყველაზე ცნობილი ანიმაციური პერსონაჟები არიან, რომლებიც ბელგიაში Schtroumpfs-ის სახელით არიან ცნობილი. სწორედ აქედან გამომდინარე, ბრიუსელში პრემიერა განსაკუთრებულად აღინიშნა. ღონისძიება ქალაქის ცენტრალურ ნაწილში, სმურფების მუზეუმის მიმდებარედ გაიმართა.
აღსანიშნავია, რომ ბრიუსელის ცნობილი ქანდაკება, პატარა ბიჭუნა – Manneken Pis, სპეციალურად პრემიერისთვის სმურფის კოსტიუმით შემოსეს. ქალაქის მთავარ მოედანზე კი, გრან-პლასზე, შაბათ-კვირის განმავლობაში სმურფების თემატიკით გაფორმებული ღონისძიებები გაიმართა.
Rihanna-მ ორსულობის შესახებ ოფიციალურად მაისის დასაწყისში, 2025 წლის Met Gala-ზე გაამხილა, სადაც იგი Tailoring Black Style-ის სტილით შთაგონებულ სამოსში იყო წარმოდგენილი.
Rihanna და A$AP Rocky უკვე ორი შვილის მშობლები არიან: სამი წლის რზა ეთელსტონ მეიერსისა და ერთი წლის როუზ მეიერსის, მალე კი ისინი მესამე შვილის მშობლებიც გახდებიან.
