შერიმ და კელი კლარკსონმა უილი ნელსონის შესახებ ისტორიები გაიხსენეს

„Მე ვყოფილვარ უილი ნელსონის ავტობუსში და მას ზუსტად მარიხუანას სუნი აქვს.“

„ოსკარის“, „გრემისა“ და „ემის“ ჯილდოს მფლობელი შერი კელი კლარკსონის შოუს სტუმრობდა. გადაცემა ეთერში დეკემბრის დასაწყისში გავიდა, თუმცა ტელეარხმა NBC-მ რამდენიმე ფრაგმენტი სადღესასწაულო დღეებისათვის შემოინახა და ინტერნეტში ახლახან გამოაქვეყნა. 

ერთ-ერთ ვიდეოში შერი თავისი სუნამოს ხაზის შესახებ საუბრობს. ეს იყო Სუნამოების ნაკრები, სახელწოდებით Decades, რომელიც მომღერალმა Scent Beauty-სთან თანამშრომლობით გამოუშვა. კოლექცია ოთხ სურნელს  აერთიანებდა და თითოეული მათგანი სხვადასხვა ათწლეულის კონტექსტში არტისტს სიმბოლურად გამოხატავდა. 

70-იან წლებზე საუბრისას, შერიმ უილი ნელსონთან დაკავშირებული ისტორიაც გაიხსენა. 

Მე ვყოფილვარ უილი ნელსონის ავტობუსში და მას ზუსტად მარიხუანას სუნი აქვს. ეს იყო ძველი, საშინელი ავტობუსი. თუმცა უილი არაჩვეულებრივია. უბრალოდ ყველგან ნარკოტიკები იყო“ – თქვა შერიმ. 

შერისთან დიალოგისას, კელი კლარკსონმა აღნიშნა, რომ უილი ნელსონის ავტობუსში თავადაც ნამყოფია და მხოლოდ გარემოსთან კონტაქტი საკმარისი იყო იმისათვის, რომ არაფხიზელ მდგომარეობაში აღმოჩენილიყო.  

კელი კლარკსონმა ის დრო გაიხსენა, როდესაც პირველად შეხვდა შერის. გადაცემის წამყვანის თქმით, ეს Kennedy Center Honors-ის 2018 წლის დაჯილდოების დროს მოხდა. ამ წელს შერისთან ერთად, ფილიპ გლასს, რიბა მაკენტაირს და უეინ შორტერს აჯილდოებდნენ. კელი კლარკსონი  მაკენტაირისათვის საპატიო ჯილდოს გადასაცემად იყო მიწვეული. როგორც კლარკსონმა გაამხილა, შერისთან შეხვედრის წინ საკმაოდ ნერვიულობდა. შემდეგ, შერის ჰკითხა, ოდესმე სხვა ვარსკვლავით განსაკუთრებულად მოხიბლული და აღფრთოვანებული თუ ყოფილა.

ეს იყო მერილ სტრიპი, როცა პირველად შევხვდი”- გაამხილა შერიმ. მერილ სტრიპი და შერი ერთმანეთს პარტნიორობას 1983 წლის ფილმში, სახელწოდებით Silkwood უწევდნენ. როგორც შერიმ თქვა, გადაღებების დროს, ის და სტრიპი დამეგობრდნენ და ეს მეგობრობა დღემდე გრძელდება. 

Share
Tweet
Share
Share
Share

წინა სტატია

ერეკლე გეწაძის და ელენე კალანდაძის დუეტმა პროექტ SUNDAIZ.-ის ფარგლებში ახალი ალბომი გამოუშვა

შემდეგი სტატია

ვახტანგ ქანთარიას განსხვავებული „საშობაო სიმღერები” და მუსიკოსის თვალით დანახული საახალწლო რეალობა

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი