აქამდე უცნობი ფოტოები, რომლებიც პოლ მაკარტნიმ მაშინ გადაიღო, როცა The Beatles მსოფლიო პოპულარობის ზენიტში იყო, წელს ლონდონის ეროვნულ გალერეაში გამოიფინება.
გალერეამ განაცხადა, რომ 4-წლიანი რესტავრაციის შემდეგ გალერეის სივრცეს სწორედ გამოფენა სახელწოდებით Eyes of the Storm გახსნის. გალერეის დირექტორმა ნიკოლას კულინანმა აღნიშნა, რომ პოლ მაკარტნი მასთან 2020 წელს მივიდა და უთხრა, რომ 1963-1964 წელს გადაღებული ფოტოების სერია იპოვა, რომელიც იქამდე დაკარგული ეგონა.
როგორც კულინანი ამბობს, ფოტოების ეს საოცარი სერია, რომელიც „მნიშვნელოვან კულტურულ ეპოქას ასახავს, გადაღებულია ისეთი ადამიანის მიერ, რომელიც, როგორც გამოფენის სათაური ამბობს, ამ ქარიშხლის ცენტრში იყო (the eye of the storm).”
გამოფენა 28 ივნისს გაიხსნება და პირველ ოქტომბრამდე გაგრძელდება. წელს გალერეაში ასევე იგეგმება მე-20 საუკუნის ინგლისელი ფოტოგრაფის Yevonde-ს ფოტოებისა და დევიდ ჰოკნის ნამუშევრების გამოფენაც.
Რაც შეეხება პოლ მაკარტნის, დეკემბერში მან ნაკრები The 7″ Singles გამოუშვა, რომელიც The Beatles-ის შემდეგ მის 50 წლის კარიერასა და ამ პერიოდში გამოშვებულ სინგლებს აერთიანებს. Ნაკრები შეზღუდული რაოდენობით, 3000 ეგზემპლარად გამოვიდა.
