სელენა გომესის გულშემატკივრები იდუმალი პოსტის შესახებ საუბრობენ, რომელიც მომღერალმა 25 იანვარს გააზიარა.
ვარსკვლავმა კადრები გამოაქვეყნა, რომელიც შესაძლოა ხმის ჩამწერ სტუდიაშია გადაღებული. ფოტოების აღწერაში სათაურად – „3“ წერია, რის გამოც თაყვანისმცემლების ვარაუდით ეს მესამე სტუდიურ ალბომზე მიანიშნებს.
სელენა გომესმა თაყვანისმცემლების კომენტარს უპასუხა “ალბომი ფაქტობრივად გზაშია.” ჯერ კიდევ 2022 წლის მაისში არტისტმა პოდკასტ Crew Call-ში სტუდიურ ჩანაწერებზე ისაუბრა.
გომესის ბოლო ალბომი Rare – 2020 წელს გამოვიდა. ალბომმა ბილბორდის საუკეთესო 200-ის მუსიკალურ ჩარტში პირველი ადგილი დაიკავა. მისი წინა სოლო ალბომები 2015 წელს Revival და 2013 წელს Stars Dance ჩარტებში ასევე ლიდერობდა. სელენა გომესის 2021 წლის ესპანურენოვანმა EP Revelación-მა ბილბორდის ლათინურენოვანი ალბომის ჩარტებში პირველი ადგილი დაიკავა.
