კინოაკადემიის პრეზიდენტი ამბობს, რომ მათი პასუხი უილ სმითის მიერ კრის როკისთვის სახეში გარტყმაზე არაადეკვატური იყო

„ამ ყველაფრიდან ვისწავლეთ ის, რომ აკადემია ბოლომდე გამჭვირვალე და ანგარიშვალდებული უნდა იყოს, განსაკუთრებით, კრიზისულ პერიოდებში” – განაცხადა ჯენეტ იანგმა.
უილ სმითმა სახეში გაარტყა კრის როკს ოსკარის 49-ე დაჯილდოებაზე
Myung Chun / Los Angeles Times via GI

კინოაკადემიის პრეზიდენტმა განაცხადა, რომ მათი ორგანიზაციის პასუხი უილ სმითის საქციელზე 2022 წლის ოსკარის დაჯილდოებაზე არაადეკვატური იყო. „მომავალში მსგავს საკითხებზე ჩვენ უნდა ვიმოქმედოთ სწრაფად და კატეგორიულად” – აღნიშნა ჯენეტ იანგმა. 

„დარწმუნებული ვარ, ყველას გახსოვთ ეს უპრეცედენტო მოვლენა. ის, რაც მაშინ სცენაზე მოხდა, სრულიად მიუღებელია. ორგანიზაციის პასუხი კი ამ ინციდენტზე არაადეკვატური იყო. ამ ყველაფრისგან ვისწავლეთ ის, რომ აკადემია სრულად გამჭვირვალე და ანგარიშვალდებული უნდა იყოს ჩვენს ქმედებებში. განსაკუთრებით, კრიზისულ პერიოდში. ჩვენ უნდა შევინარჩუნოთ უმაღლესი სტანდარტები იმ ცვლილებების განხორციელებით, რომელთა ნახვაც ჩვენს ინდუსტრიაში გვსურს.” 

2022 წლის ოსკარის დაჯილდოების ცერემონიაზე, სანამ უილ სმითი ოსკარს მოიპოვებდა, იგი სცენაზე ავიდა და კრის როკს სახეში გაარტყა, რადგან კომედიანტმა მისი მეუღლის, ჯეიდა პინკეტ სმითის გადაპარსულ თავზე იხუმრა. ინციდენტის შემდეგ სმითმა რამდენჯერმე მოიხადა ბოდიში და დატოვა კინოაკადემია. საბოლოოდ, აკადემიის გადაწყვეტილებით, უილ სმითს 10 წლით აეკრძალა ოსკარის ცერემონიაში მონაწილეობის მიღება. 

„ყველა ფორმის ძალადობა ტოქსიკური და გამანადგურებელია. ჩემი საქციელი მიუღებელი და უპატიებელია” – დაწერა სმითმა ინსტაგრამზე ინციდენტის მეორე დღეს. „ძალიან ვნანობ, რომ ჩემმა ქმედებამ ლაქა დაასვა იმას, რაც ყველა ჩვენგანისთვის საოცარი თავგადასავალი უნდა ყოფილიყო.”

Share
Tweet
Share
Share
Share

წინა სტატია

მაილი საირუსი - Endless Summer Vacation

მაილი საირუსმა ვალენტინობის დღეს ყვავილები საკუთარ თავს უყიდა

შემდეგი სტატია

სტინგი - ფოტო: MK

სტინგი  Ivors Academy-ის წევრი გახდება

შეიძლება დაგაინტერესოთ

ჰანს ციმერი ოსკარის 67-ე დაჯილდოებაზე, როდესაც მან ოსკარი მოიპოვა ანიმაციური ფილმისთვის The Lion King JEFF HAYNES/AFP GI

ჰანს ციმერი  Dune-ის მეორე ნაწილის ოსკარიდან დისკვალიფიკაციაზე საუბრობს: „ეს უბრალოდ სულელური წესია“

კომპოზიტორმა 2021 წელს, ფილმისთვის Dune, აკადემიის ჯილდო მოიპოვა, თუმცა 2024 წელს ფილმის მეორე ნაწილისთვის ამ წარმატების გამეორება ვერ შეძლო.
მეტი
ჩარლი XCX ჰოლივუდი, კალიფორნია, 2024 წლის 12 დეკემბერი. რობინ ბეკი/AFP via Getty Images

ახალი ცნობების მიხედვით, Charli XCX გრეტა გერვიგის ფილმ „ნარნიას ქრონიკებში” მიიღებს მონაწილეობას

გერვიგის კინოვერსია მწერალ კლაივ ლუისის საბავშვო ფანტასტიკის სერიის მიხედვით არის შექმნილი, რომლის გამოსვლაც კინოეკრანებზე 2026 წელს იგეგმება.
მეტი