„დისნეის“ თაყვანისმცემლებს სულ რამდენიმე თვე აშორებთ, რათა ოკეანის ფსკერზე ჰალი ბეილისთან ერთად იმოგზაურონ. ბეილი ფილმ Little Mermaid-ში არიელის როლს ასრულებს. 13 მარტს, ფილმის ოფიციალური საუნდრეკის გამოსვლის თარიღი გახდა ცნობილი.
Twitter-ზე ფილმის ვიდეო თიზერი გამოქვეყნდა, რომლის მიხედვით საუნდტრეკი 19 მაისს გამოვა. ფილმს კინოთეატრებში მაყურებელი 26 მაისიდან იხილავს. გარდა ცნობილი ჰიტებისა, ალბომში ლინ-მანუელ მირანდას ახალი სიმღერები შევა. ახალ ვერსიაში 1989 წლის ფილმიდან ალან მენკენის და ჰოვარდ ეშმანის მუსიკა და ტექსტიცაა შესული.
The Little Mermaid Original Soundtrack featuring all new performances by the cast with music from @AIMenken, lyrics by Howard Ashman, and new lyrics by @Lin_Manuel Miranda, is available now for pre-save/pre-add/pre-order. Soundtrack releases 5/19. https://t.co/utz99SEbrL pic.twitter.com/gajJKUBf68
— The Little Mermaid (@LittleMermaid) March 13, 2023
ფილმის ოფიციალური ტრეილერი 2023 წლის ოსკარის დაჯილდოების ცერემონიაზე კვირას საღამოს, 12 მარტს შედგა, სადაც „დისნეის“ კლასიკური ანიმაციის ახალ ვერსიაში ჰალი ბეილი არიელის, მელისა მაკკართი ურსულას, ხავიერ ბარდემი მეფე ტრიტონის და იონა ჰაუერ კინგი პრინც ერიკის როლს ასრულებენ.
ნოემბერში ჰალი ბეილიმ განაცხადა, რომ ანიმაციური ფილმის საკულტო პერსონაჟის – არიელის თამაშისას, ყველაზე მეტად პატარა გოგონების რეაქცია აინტერესებდა.
