გაგა ფრანის პირველი ვინილის პრეზენტაცია

„ეს ოცნება 8 წლის ასაკში გამიჩნდა და ახლა, როცა 38 წლის ვარ და უკვე ჩემი ვინილი მაქვს, ისევ 8 წლის გავხდი, რადგან ოცნებები იმ ასაკში დაიწყო.”

გაგა ფრანი აუდიტორიის წინაშე სიახლით წარდგა. წლების შემდეგ მუსიკოსმა მსმენელისთვის ნაცნობ სიმღერებს თავი მოუყარა და ვინილის სახით გამოსცა. ფირფიტის პრეზენტაცია გულშემატკივართა წრეში შედგა.

გაგა ფრანი:

„ეს ჩვენი პირველი ვინილია და ზოგადად, ალბომიც პირველია. Წლების განმავლობაში ძირითადად სინგლებს ვუშვებდით და ისე გაგვეფანტა ეს გამოშვებული სიმღერები, რომ ერთ ალბომად ვერ შევკარით. მაგრამ ჩემი კონკრეტული მიზანი იყო ვინილი. CD არასდროს გამოგვიშვია და ამ ვინილის დისკიც არ არსებობს. ყოველთვის ვიცოდი, რომ თუ გამოვუშვებდი, ეს იქნებოდა მხოლოდ ვინილი. ეს სურვილი მოდის ჩემი ბავშვობიდან. ჩემი პირველი პლატფორმაა ფირსაკრავი და ფირფიტა, რომლითაც პირველად შემოვიდა ჩემში მელოდია და საიდანაც გავიგე ხმა. Ზღაპრებსაც კი ვინილზე ვუსმენდი და შემდეგ უკვე ყველანაირ მუსიკას. თუ კი ვინმეს გავეცანი, ეს იყო ჩემს ოჯახში შეგროვებული ფირფიტების არქივით. Და როდესაც ამ პრინციპს მივხვდი, რომ როცა დაადებ ნემსს ამ ფირფიტას, ხახუნის ძალით ხმა მოდის, აი, მაშინ ჩამომიყალიბდა ოცნებად, ოღონდ ის კი არა, რომ მუსიკოსი გავხდე, ჩემს ხმას თუ გავიგებ ოდესმე… მერე აქედან გამომდინარე უკვე ძალიან შემიპყრო მუსიკამ. მაშინ სადღაც 8 წლის ვიყავი და წარმოიდგინეთ, ეს ოცნება რომ სულ გაქვს და თან ცოტა წარმოუდგენელი… მოკლედ, 30 წლის მერე გავიგე ჩემი ხმა ფირსაკრავიდან… და აი, 8 წლის ბავშვმა რომ ვინატრე და ახლა 38 წლის რომ ვარ და ჩემი ვინილი მაქვს, ისევ 8 წლის გავხდი. ისევ იქ დავბრუნდი, რადგან ოცნებები იმ ასაკში დაიწყო.”

ვინილი სახელწოდებით Gaga Frani სხვადასხვა დროს დაწერილ 7 მუსიკალურ კომპოზიციას აერთიანებს. პრეზენტაციაზე ავტორმა ნიკოლოზ ლეჟავასთან ერთად რამდენიმე მათგანი შეასრულა. 

გაგა ფრანი და ნიკოლოზ ლეჟავა

„Მე უფრო საუნდტრეკებად მივიჩნევ ამ სიმღერებს. სხვადასხვა განწყობის, სხვადასხვა პერიოდის საუნდტრეკებია. Მე ფილმებად ვხედავ მათ. ჩემთვის „ფრანი” უფრო თეატრალური მუსიკაა და ეს კომპოზიციები დღიურებია – 7 სხვადასხვა პერიოდის დღიური. თითქოს, რაღაც ისტორია მთავრდება. Მათ შორის არის სულ პირველი სიმღერა, რომელიც საერთოდ ცხოვრებაში დავწერე. ვინილზე ეგ ისტორიაც აუცილებლად უნდა იყოს. Სიმღერა, რომლითაც დავიჯერე, რომ მე უნდა ვწერო. Ეს არის „მარტი მოვიდა”. მას შემდეგ ყველაფერს ასე ვუდგები, რომ გაზაფხული მოვიდეს. და აი, ეს ვინილიც მარტში გამოვიდა… ასე დაემთხვა.”

Share
Tweet
Share
Share
Share

წინა სტატია

პერის ჰილტონის თქმით, დემი ლოვატოს დოკუმენტურმა ფილმმა საკუთარ წარსულზე საჯაროდ საუბრისაკენ უბიძგა

შემდეგი სტატია

ზურა ჯიშკარიანი - მწერალი

 ზურა ჯიშკარიანის ახალი რომანის – „სწრაფი, ღამისიერი“ პრეზენტაცია

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი