ლიონელ რიჩი და ლუკ ბრაიანი საკუთარ ფეისბუქ გვერდებზე ნუცა ბუზალაძის შესახებ წერენ

„ნუცა ბუზალაძე ცეცხლს დაანთებს!” – წერს ლიონელ რიჩი.

ნუცა ბუზალაძე American Idol-ის ჟიურის წინაშე კიდევ ერთხელ, ამჯერად უკვე Hollywood-ის ეტაპზე წარდგა. Hollywood Week-ის პირველ რაუნდში ნუცამ სელინ დიონის 2022 წლის ჰიტი I Surrender შეასრულა. სიმღერის შემდეგ ქართველ მომღერალს ჟიურის სამივე წევრი – ლიონელ რიჩი, კეტი პერი და ლუკ ბრაიანი ფეხზე წამოუდგა. განსაკუთრებული იყო ლიონელ რიჩის რეაქციები, რომელიც ნუცას შესრულების დროს ემოციებს ვერ მალავდა. 

მას შემდეგ კი, რაც ნუცას გამოსვლა American Idol-ის ოფიციალურ ფეისბუქ გვერდზე დაიდო სათაურით „ნუცამ დაგვშოკა თავისი ძლიერი შესრულებით”, ვიდეო ლიონელ რიჩიმ და ლუკ ბრაიანმა საკუთარ გვერდებზეც გააზიარეს და ნუცას შესახებ დაწერეს.  

„როცა ვამბობთ, რომ ყოველ წელს უკეთესი შოუ გვაქვს, ეს სიმართლეა! კვირა საღამოს ნუცა ბუზალაძე ცეცხლს დაანთებს!” – დაწერა ლიონელ რიჩიმ და პოსტზე ქართველი მომღერალიც მონიშნა, რაზეც თავად ნუცა კომენტარით გამოეხმაურა: „ღმერთო ჩემო! ეს საუკეთესო რამაა, რაც კი ჩემს ცხოვრებაში მომხდარა. მადლობა ამის დაწერისთვის. ცრემლები მომდის.”

ლუკ ბრაიანი კი წერს: „ნუცა ბუზალაძის ამ გამოსვლაზე ჟრუანტელი დაგივლით. მოემზადეთ Hollywood Week-სთვის!”

American Idol-ის Hollywood Week ABC-ს ეთერში 2 აპრილიდან გავა. Hollywood Week-ის რაუნდების განმავლობაში ჟიურიმ სხვადასხვა ქალაქიდან შერჩეული კონკურსანტებიდან საუკეთესო 24 უნდა აარჩიოს. 16 აპრილიდან კი ხმის მიცემის ეტაპი დაიწყება და მონაწილეთა ბედს უკვე მაყურებელი გადაწყვეტს.

ნახეთ ლიონელ რიჩისა და ლუკ ბრაიანის პოსტები ნუცა ბუზალაძის შესახებ და ქართველი მომღერლის შესრულება

Share
Tweet
Share
Share
Share

წინა სტატია

კეტი პერი ორლანდო ბლუმს დაჰპირდა, რომ 3 თვის განმავლობაში ფხიზელი იქნება

შემდეგი სტატია

ოსკაროსანი კომპოზიტორი რიუიჩი საკამოტო 71 წლის ასაკში გარდაიცვალა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი