დისნეი და დუეინ ჯონსონი „მოანას” კინოეკრანიზაციას აანონსებენ.
ახალი ამბავი მსახიობმა ჰავაიზე, ოაჰუს კუნძულზე გადაღებული ვიდეოთი გააზიარა, რომელშიც ის თავის ორ ქალიშვილთან ერთადაა. ჯონსონმა გაამხილა, რომ იგი მაუის გმირს გააცოცხლებს, რომელსაც 2016 წლის ანიმაციაში თავადვე ახმოვანებს. სხვა მსახიობთა ვინაობა ჯერჯერობით უცნობია.
„ეს ამბავი ჩემი ისტორიაა. ეს ისტორია კი ჩვენი ხალხის ღირსებასა და მებრძოლ სულს გამოხატავს. მე ამ კულტურას ამაყად ვატარებ როგორც გარეგნულად, ასევე სულიერად. ასეთი შესაძლებლობა ცხოვრებაში ერთხელ გეძლევა და მე მომეცა ეს შესაძლებლობა, განვასახიერო მაუი. და როცა მე მას გავაცოცხლებ, მე ამას ჩემი ბაბუის სულის სახელზე გავაკეთებ,” – ამბობს ვიდეოში დუეინ ჯონსონი. „ჯერ ყველაფერი ძალიან საწყის ეტაპზეა, წინ დიდი სამუშაოა, მაგრამ იქამდე ერთი რამაა, რაც ამ მოგზაურობის დასაწყებად მჭირდება.” შემდეგ კი შვილებს მიმართავს: „გოგონებო, შეგიძლიათ მომიტანოთ ის განსაკუთრებული ნივთი?” და გოგონებს მამისთვის მაუის ჯადოსნური ნამგალი მოაქვთ.
ნახეთ დუეინ ჯონსონის ვიდეო ჰავაიდან
