28 აპრილს, „აქსის თაუერსში“ მდებარე „ფალესტრას“ ღია სივრცეში, ცნობილი ამერიკული ელექტრონული ჯგუფის – Inner City-ის კონცერტი გაიმართება. Inner City, როგორც მუსიკალური პროექტი, 1987 წელს დაარსდა. ჯგუფი დეტროიტელი ტექნო მუსიკის პიონერი არტისტის, კომპოზიტორ კევინ სანდერსონისა და მომღერალ პერის გრეის თანამშრომლობით ჩამოყალიბდა. 1989 წელს ჯგუფმა სადებიუტო ალბომი – Paradise წარადგინა.
Inner City-მ მსმენელს თავი არაერთი ცნობილი კომპოზიციით დაამახსოვრა. ჯგუფის პოპულარული ჰიტებია Big Fun და Good Life. 2020 წელს, მრავალწლიანი პაუზის შემდეგ, Inner City მუსიკალურ ინდუსტრიაში მოულოდნელად დაბრუნდა და ახალი ალბომი – We All Move Together გამოუშვა. ამჯერად ჯგუფს კევინ სანდერსონის ვაჟიც შეუერთდა და მუსიკალური პროექტის შემოქმედებაში ახალი ეტაპი დაიწყო.
28 აპრილს გამართულ კონცერტზე, სცენაზე ქართველი არტისტებიც წარდგებიან. აუდიტორიისათვის Monkey-ს რეზიდენტი თემურიკო დიასამიძე და ნინო კვანტრიშვილი დაუკრავენ.
კონცერტის შესახებ დეტალური ინფორმაცია იხილეთ ბმულზე.
მოუსმინეთ Inner City-ის ჰიტს სახელწოდებით Good Life:
