კანიე უესტმა ინსტაგრამის ანგარიში დროებით გააუქმა

რამხდენიმე დღის წინ უესტმა მობილურის ეკრანისათვის გადაღებული ფოტო, ე.წ „სქრინშოტი“ გამოაქვეყნა, რომელზეც ინსტაგრამის ანგარიშის დროებით გაუქმების პირობები ჩანს.
ფოტო: ვიქტორ ბოიკო

რამდენიმე დღის წინ კანიე უესტმა სოციალურ ქსელში მობილურის ეკრანისათვის გადაღებული ფოტო, ე.წ „სქრინშოტი“ გამოაქვეყნა, რომელზეც ინსტაგრამის ანგარიშის დროებით გაუქმების პირობები ჩანს. ამ პოსტის ატვირთვიდან მალევე, უესტმა ინსტაგრამის ანგარიში მართლაც გააუქმა.  

კანიე უესტი, რომელიც ამჟამად ფსევდონიმად იყენებს სახელს – Ye, ბოლო პერიოდის განმავლობაში ინსტაგრამიდან არაერთხელ დაიბლოკა. მაგალითად 2022 წლის მარტში არტისტს ქსელზე წვდომა 24 საათით შეეზღუდა. მიზეზი არაეთიკური პოსტები იყო, რომელიც სიძულვილის ენასთან, ბულინგთან და ძალადობრივი შინაარსის მასალასთან  დაკავშირებით,  პლატფორმის პირობებსა და წესებს ეწინააღმდეგებოდა. უფრო კონკრეტულად კი, უესტმა Daily Show-ს წამყვანის, ტრევორ ნოას მისამართით, რასობრივი ნიშნით შეურაცხმყოფელი პოსტები რამდენჯერმე გამოაქვეყნა.

ამის შემდეგ, კანიემ სოციალური ქსელის მეშვეობით, პიტ დევოდსინის შესახებაც  არაერთი პოსტი გაავრცელა. ამ დროს დევიდსონი უესტის ყოფილ ცოლს, კიმ კარდაშიანს ხვდებოდა. ამ ფაქტს რეპერი არაეთიკური განცხადებების სერიით გამოეხმაურა. 

Ye ინსტაგრამის ადმინისტრაციამ 2022 წლის ოქტომბერში კიდევ ერთხელ დაბლოკა. ამის მიზეზი არტისტის მიერ ანტისემიტური განცხადებები იყო. 2023 წლის მარტში უესტი სოციალურ ქსელს კვლავ დაუბრუნდა და განაცხადა, რომ 21 Jump Street-ში ჯონა ჰილის ნახვის შემდეგ, მას „ებრაელი ხალხი კვლავ მოსწონს“.

Share
Tweet
Share
Share
Share

წინა სტატია

ერიკა ბადუს საკონცერტო ტურნე სახელწოდებით – Unfollow Me 25 ქალაქს გააერთიანებს

შემდეგი სტატია

VAQO

VAQO-ს მარტივად მოსასმენი მძიმე მუსიკა

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი