შოტლანდიური ბენდი The Exploited მეამბოხე სულის მუსიკალური ქარიშხალია, რომელმაც პანკ-როკის ისტორიაში უდიდესი სახელი დაიმკვიდრა.
1979 წელს შექმნილმა ბენდმა აღიარება სწრაფადვე მოიპოვა. მოზღვავებული ენერგიის მუსიკა და გამორჩეული უოტი ბუქენის ვოკალი დასაწყისიდანვე პანკ-როკის დაუოკებელი, მებრძოლი სულის გამწევი ძალა გახდა.
ბენდის სადებიუტო ალბომის სახელწოდებაა Punks Not Dead, მათი გამორჩეული LP- კი სახელწოდებით Fuck the System, 2003 წელს შეიქმნა.
ედინბურგში დაარსებულმა ჯგუფმა Sex Pistols-ის შთაგონებული მუსიკით დაიწყო მოღვაწეობა, უფრო ფართო ჟანრობრივ დიაპაზონში მალევე განვითარდა, რაც ჰარდკორ პანკს და კროსოვერ თრეშს მოიცავს.
The Exploited-ის სიმღერებით ისეთი ჯგუფები იყვნენ შთაგონებული როგორებიც არიან: Metallica და Queens of the Stone Age, მათი სიმღერების ქავერები შექმნილი აქვთ Slayer-ს და Ice-T-ს. ჯგუფის შემადგენლობა ბევრჯერ შეიცვალა, თუმცა The Exploited-ის ბენდის ვოკალისტი უოტი ბუქენი ბენდის შეუცვლელი მამოძრავებელი ძალა და ღერძია.
„The Exploited პანკ-როკის ერთ-ერთი უმნიშვნელოვანესი ბენდია და მსოფლიოში პანკ-როკის ლეგენდად ითვლება. ბენდს ძალიან დიდი წვლილი მიუძღვის ამ ჟანრის ჩამოყალიბებაში და ახლაც იმ იდეოლოგიის მიმდევრებად რჩებიან, რაც დასაწყისში ჰქონდათ, თავისი გიჟური შოუებით. მათ წინ ქართული პანკ-როკ ჯგუფი – Vodka Vtraiom დაუკრავს, რომელიც საქართველოში ერთ-ერთი ძველი, ტრადიციული და მნიშვნელოვანი პანკ ჯგუფია.“ – გივი მაჭავარიანი, Elektrowerk-ის ერთ-ერთი დამფუძნებელი.
The Exploited-ის ცოცხალი თავბრუდამხვევი შოუ მათი მუსიკალური ისტორიის ყველაზე მნიშვნელოვანი ნაწილია – ბენდის დისკოგრაფიაში ალბომების თითქმის ნახევარი ცოცხალი ჩანაწერია.
საერთაშორისო საკონცერტო სააგენტო Honeycomb Live-ს მოწვევით, თბილისში პირველად 17 ივნისს, ბენდ The Exploited-ის ლაივ შოუ Elektrowerk-ში გაიმართება. კონცერტის სპეციალური სტუმარია, ქართული პანკ ბენდი – Vodka Vtraiom.
კონცერტის მხარდამჭერები არიან – RedRum და Locomotive Promotion. კარი კი 19:00 საათზე გაიღება.
ნახეთ The Exploited ვიდეო მიმართვა:
