Paramore-მ ახალი სტუდიური ალბომის, სახელწოდებით This Is Why მხარდამჭერი საკონცერტო ტურნეს ფარგლებში შოუ ლოს ანჯელესში გამართა. ბენდმა კონცერტის დროს ცნობილი მომღერლების სცენაზე მიწვევა ტრადიციად აქცია. ამჯერად ვოკალისტმა ჰეილი უილიამსმა მიწვეულ შემსრულებლად აუდიტორიას ბილი აილიში წარუდგინა. აილიშმა Paramore-სთან ერთად ჯგუფის სიმღერა All I Wanted შეასრულა.
ეს პირველი შემთხვევა არ არის, როცა ბილი აილიშმა ჰეილი ულიამსთან ერთად იმღერა. 2022 წლის Coachella-ს მუსიკალურ ფესტივალზე აილიშმა სცენაზე ყველასათვის მოულოდნელად Paramore-ს წამყვანი ვოკალისტი იხმო. არტისტებმა ორი ტრეკი Happier Than Ever და Misery Business იმღერეს. ამ შესრულების შემდეგ, აილიშს ერთ-ერთმა ფანმა ინსტაგრამზე ჰკითხა, Paramore-ს რომელი სიმღერა უყვარდა ყველაზე მეტად. ამ კითხვის პასუხად არტისტმა Spotify-ის ე.წ. Სქრინშოტი გააზიარა, სადაც სწორედ All I Wanted-ს უსმენდა.
ნახეთ ფანების მიერ გადაღებული ვიდეოები, რომელშიც Paramore-ს და ბილი აილიშის ერთობლივი შესრულებაა აღბეჭდილი:
billie eilish performing All I Wanted with paramore ♥️ pic.twitter.com/rGjgkhekCH
— jen (@YELYAHG00N) July 20, 2023
