ანგუს კლაუდის დედის თქმით, მის შვილს სიცოცხლის დასრულების განზრახვა არ ჰქონია

„სოციალურ მედიაში ვრცელდება პოსტები, რომ მისი სიკვდილი განზრახული იყო. მინდა იცოდეთ, რომ ასე არ არის.”
ანგუს კლაუდი
Craig Barritt/Getty Images

ანგუს კლაუდის დედა ლიზა კლაუდი შვილზე საუბრობს და ამბობს, რომ „მისი უკანასკნელი დღე ბედნიერი იყო.”

ანგუს კლაუდის ოჯახმა მსახიობის გარდაცვალების შესახებ განცხადება ორშაბათს გააკეთა: „ანგუსი ღიად საუბრობდა მისი ფსიქიკური პრობლემების შესახებ და იმედი გვაქვს, მისი გარდაცვალება სხვებისთვის შეხსენება იქნება, რომ მარტო არ არიან და ამ პრობლემას ჩუმად არ უნდა ებრძოლონ.”

პარასკევს კი მსახიობის დედამ წერილი გაავრცელა: „მეგობრებო, მინდა იცოდეთ, რომ ძალიან ვაფასებ თქვენს სიყვარულს ჩემი ოჯახის მიმართ. ასევე მინდა, იცოდეთ, რომ მიუხედავად იმისა, რომ ჩემი ვაჟი დიდ გლოვაში იყო მამის გარდაცვალების გამო, მისი უკანასკნელი დღე ბედნიერი იყო. ის ალაგებდა საკუთარ ოთახს იმ განზრახვით, რომ ცოტა ხნით დარჩენილიყო სახლში, რომელიც ძალიან უყვარდა. საუბრობდა მის გეგმებზე, დახმარებოდა თავის დებს კოლეჯში სწავლაში და დახმარებოდა დედას როგორც ემოციურად, ასევე ფინანსურად. მას არ ჰქონია სიცოცხლის დასრულების განზრახვა,” – წერს მსახიობის დედა.

„როცა ერთმანეთს ძილის წინ ჩავეხუტეთ და ვუთხარით, თუ როგორ ძლიერ გვიყვარდა ერთმანეთი, მან მითხრა, რომ დილას შევხვდებოდით. არ ვიცი, რა მოხდა ამის შემდეგ. მხოლოდ ის ვიცი, რომ პროექტზე მუშაობისას თავი მაგიდაზე დადო, ჩაეძინა და აღარ გაუღვიძია. შესაძლოა აღმოვაჩინოთ, რომ ის ზედოზირებით გარდაიცვალა შემთხვევით და ტრაგიკულად, მაგრამ უდავოა, რომ მას არ ჰქონია ამ სამყაროს დატოვების განზრახვა. მისი ბრძოლები ნამდვილი იყო. ის გასცემდა და იღებდა დიდ სიყვარულსა და მხარდაჭერას. მისი როლი Euphoria-ში ნათელი წერტილი გახდა მისი თაობისთვის და გახსნა საუბრები თანაგრძნობაზე, ერთგულებაზე, მიმღებლობასა და სიყვარულზე. თავის ტრავმა, რომელიც მან 10 წლის წინ მიიღო, არ დასრულებულა სიკვდილით, როგორც ეს თითქმის ყოველთვის ხდება ხოლმე. მას ბონუსად მიეცა დამატებით 10 წელი, რომელიც კრეატიულობითა და სიყვარულით აავსო,” – წერს ლიზა კლაუდი.

„სოციალურ მედიაში ვრცელდება პოსტები, რომ მისი სიკვდილი წინასწარ განზრახული იყო. მინდა იცოდეთ, რომ ეს ასე არ არის. მისი ხსოვნის პატივსაცემად, გთხოვთ, სიკეთის კეთება თქვენი ყოველდღიური ცხოვრების ნაწილად გაიხადოთ.” 

ანგუს კლაუდი 25 წლის ასაკში გარდაიცვალა. კლაუდი HBO-ს სერიალში Euphoria ნარკოდილერის როლს თამაშობდა. 

Share
Tweet
Share
Share
Share

წინა სტატია

FKJ რაჭის ტრაგედიას ეხმაურება

შემდეგი სტატია

შოვში მომხდარ ტრაგედიას ნაილ როჯერსიც ეხმაურება

შეიძლება დაგაინტერესოთ

დისნეი ჯუნიორის „არიელი” პატარა ქალთევზას სრულიად ახალ, მცირეწლოვან აუდიტორიას წარუდგენს

ანიმაციური სერიალის შესახებ „ბილბორდი” მის პროდიუსერსა და მთავარი როლის შემსრულებელს ესაუბრა.
მეტი

სელინ დიონმა ცრემლები ვერ შეიკავა, როცა ფილმის პრემიერაზე მაყურებელი ფეხზე წამოუდგა

დოკუმენტური ფილმი, სახელწოდებით I Am: Celine Dion, გაშეშებული ადამიანის სინდრომთან მომღერლის ბრძოლას ასახავს.
მეტი
ელტონ ჯონი გამოსამშვიდობებელ Farewell Yellow Brick Road ტურნეზე, 2022 წლის 17 ნოემბერი, დოჯერის სტადიონი, ლოს-ანჯელესი. ფოტო: სკოტ დუდელსონი

ელტონ ჯონის ახალი დოკუმენტური ფილმის დებიუტი ტორონტოს საერთაშორისო კინოფესტივალზე შედგება

ახალი პროექტი ელტონ ჯონის ბოლო ტურნეს მოჰყვება, რომლის შემდეგაც მუსიკოსის ქონებამ 900$ მილიონზე მეტს მიაღწია.
მეტი

ფარელ უილიამსის ანიმაციურ-ბიოგრაფიული ფილმის თრეილერში ფარელს, Jay-Z-ის და კენდრიკ ლამარს ლეგოს სახით იხილავთ

ანიმაციურ - ბიოგრაფიულ ფილმში Piece by Piece გვენ სტეფანი, Snoop Dogg და ჯასტინ ტიმბერლეიკიც მონაწილეობენ.
მეტი