Green Day-მ დონალდ ტრამპის ციხის ფოტოთი მერჩენდაიზი გამოუშვა

მიღებული შემოსავალი საქველმოქმედო ფონდში, სახელწოდებით Greater Good Music გადაირიცხება. ფონდი ამჟამად ჰავაის ხანძრისგან დაზარალებულ ადამიანებს საკვებით ეხმარება.
ფოტო: ჯონათან ვინერი


ჯგუფმა Green Day-მ შეერთებული შტატების ყოფილი პრეზიდენტის, დონალდ ტრამპის ფოტო მერჩენდაიზისთვის გამოიყენა.  ტრამპის ეს ფოტო ციხეში გადაღებული პორტრეტი, ე.წ. „Მაგშოთია“, რომელიც ყოფილმა პრეზიდენტმა სოციალურ ქსელ X-ში (ყოფილი ტვიტერი) თავად განათავსა. 

24 აგვისტოს პრეზიდენტი ატლანტაში დააკავეს. დაკავების მიზეზი 2020 წლის არჩევნების შედეგებზე ზეგავლენის მცდელობებია. ტრამპმა განყოფილებაში სულ 20 წუთი გაატარა, რის შემდეგაც 200 ათასი დოლარის გირაოთი გაათავისუფლეს. დაკავების პროცედურა სპეციალური ფოტო პორტრეტის, ე.წ „მაგშოთის„ გადაღებას გულისხმობს. დონალდ ტრამპმა ინტერნეტში  სწორედ ეს გამოსახულება გაავრცელა.

Green Day-მ ეს ფოტო სპეციალურ მერჩენდაიზზე დაიტანა. 25 აგვისტოს ბენდმა ინსტაგრამზე შავი მაისურის ფოტო გამოაქვეყნა. მაისურზე ბენდის ალბომის –  Nimrod-ის ალტერნატიული ყდაა გამოსახული. ალბომის  ყდის დიზაინში ბენდის ფოტო ტრამპის „მაგშოთით“ არის შეცვლილი. 

მერჩენდაიზის კოლექციის შეძენა მსურველებს  გამოსვლიდან 72 საათის განმავლობაში შეუძლიათ. თითოეული მაისურის ფასი 35 დოლარია. მიღებული შემოსავალი საქველმოქმედო ფონდში, სახელწოდებით Greater Good Music გადაირიცხება. ფონდი ამჟამად ჰავაის ხანძრისგან დაზარალებულ ადამიანებს საკვებით ეხმარება. 

Nimrod ჯგუფმა Green Day-მ 1997 წელს გამოსცა. ნამუშევარი Billboard 200-ის ჩარტებში მე-10 ადგილს იკავებდა.

ნახეთ Green Day-ის პოსტი:

Share
Tweet
Share
Share
Share

წინა სტატია

AQUA - ფოტო: გურმუნდ ტაი

AQUA  Barbie-ს მსოფლიო ტურნეს აანონსებს

შემდეგი სტატია

წინანდლის ფესტივალი მეხუთე დღეს ჟულიენ კანტენის ორ კონცერტს უმასპინძლებს

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი