The Rolling Stones ახალ კომპოზიციას, სახელწოდებით Sweet Sounds of Heaven გამოსცემს. ჩანაწერი ლედი გაგასთან და სტივი უანდერთან თანამშრომლობით შეიქმნა და
ის 28 სექტემბერს გამოვა. ამის შესახებ როკ ბენდმა ფანებს ინსტაგრამზე გამოქვეყნებული პოსტით აუწყა.
Sweet Sounds of Heaven ჯგუფ The Rolling Stones-ის 26-ე სტუდიურ ალბომში, სახელწოდებით Hackney Diamonds შევა. Hackney Diamonds ბოლო 18 წელში ბენდის პირველი ალბომია, რომელიც ახალ კომპოზიციებს აერთიანებს.
ლედი გაგას და სტივი უანდერის გარდა, ალბომი სხვა მუსიკოსებთან დუეტებსაც აერთიანებს. მაგალითად, კომპოზიცია Bite My Head Off პოლ მაკარტნისთან თანამშრომლობით ჩაიწერა, Get Close და Live By the Sword კი – ელტონ ჯონთან.
