ბრიტნი სპირსი ამბობს, რომ ჯასტინ ტიმბერლეიკი ისევ უყვარს

„სიგიჟე იყო, თუ როგორ ძლიერ მიყვარდა იგი,” – წერს მომღერალი თავის მემუარებში.
ბრიტნი სპირსი და ჯასტინ ტიმბერლეიკი 2002 წელს
Kevin Winter/Getty Images

24 ოქტომბერს ბრიტნი სპირსის მემუარები გამოვა სახელწოდებით The Woman in Me. წიგნის გამოსვლამდე კი ცნობილი ხდება მისი გარკვეული ეპიზოდები. 

ცოტა ხნის წინ გამოცემამ People შოკისმომგვრელი ამბავი გაავრცელა წიგნიდან, რომლის მიხედვითაც მომღერალმა აბორტი გაიკეთა მას შემდეგ, რაც ჯასტინ ტიმბერლეიკისგან დაუგეგმავად დაორსულდა. The Associated Press-მა კი ამ ეპიზოდის კიდევ უფრო მეტი დეტალი გამოაქვეყნა: „დარწმუნებული ვარ, ადამიანებს შევძულდები ამის გამო, მაგრამ მე მას დავეთანხმე, რომ ბავშვი არ გვყოლოდა. აბორტი ის იყო, რასაც ვერასდროს წარმოვიდგენდი, რომ საკუთარ თავს გავუკეთებდი, მაგრამ გარემოებების გათვალისწინებით, სწორედ ეს გავაკეთეთ,” – წერს სპირსი. „მნიშვნელოვანი იყო, რომ არავის გაეგო არც ორსულობისა და არც აბორტის შესახებ, ამიტომ ყველაფერი სახლში მოხდა.” 

მომღერალი წერს, რომ მედიკამენტური აბორტის ტკივილი გაუსაძლისი იყო. „იქამდე ვტიროდი, სანამ ყველაფერი არ დასრულდა. ეს საათები გრძელდებოდა და არ მახსოვს, როგორ დამთავრდა, მაგრამ ოცი წლის შემდეგაც მახსოვს მისი ტკივილი და შიში.”

Billboard-ის მიერ მოპოვებულ მემუარებში სპირსი ამბობს, რომ მას ისევ უყვარს ჯასტინ ტიმბერლეიკი, რომელსაც 2002 წელს დაშორდა. „ამის შემდეგ რაღაც პერიოდი ძალიან არეული ვიყავი, განსაკუთრებით იმიტომ, რომ მე ისევ მიყვარს ჯასტინი. ეს სიგიჟე იყო, თუ როგორ ძლიერ მიყვარდა იგი და ჩემთვის ეს სავალალო აღმოჩნდა.”  

წიგნში Სპირსი წერს, რომ ორსულობა მისთვის სიურპრიზი იყო, მიუხედავად იმისა, რომ ტიმბერლეიკთან ოჯახის შექმნაზე მუდმივად ფიქრობდა. „მაგრამ ჯასტინი ნამდვილად არ იყო ბედნიერი ორსულობის ამბით. Მან თქვა, რომ ჩვენ ძალიან ახალგაზრდები ვიყავით და არ ვიყავით მზად ბავშვისთვის. დღემდე ეს ერთ-ერთი ყველაზე მტანჯველი რამაა, რაც კი ცხოვრებაში გამომიცდია.”

Share
Tweet
Share
Share
Share

წინა სტატია

ნილ იანგი, ჰაიდ პარკი, 2019 წლის 12 ივლისი, ლონდონი. ფოტო გას სტიუარტი

ნილ იანგი ახალ ალბომს Before & After-ს აანონსებს

შემდეგი სტატია

Nini Iris-ის საავტორო მუსიკა და გზა საერთაშორისო სცენამდე – ინტერვიუ ნინი ბრეგვაძესთან 

შეიძლება დაგაინტერესოთ

პოლ მაკარტნი Yesterday-ს ტექსტის შთაგონების გულდასაწყვეტ მომენტს იხსენებს: „მხოლოდ რეტროსპექტივაში შეგიძლია, ეს დააფასო”

A Life in Lyrics პოდკასტში მომღერალი საუბრობს ფრაზაზე: I said something wrong, now I long for yesterday და სინანულით იხსენებს მისი დაწერის ისტორიას.
მეტი

ნიკ ჰადსონი – საქართველოში მცხოვრები ბრიტანელი მუსიკოსის შემოქმედება და ხევსურეთისთვის მიძღვნილი სიმღერა

„ხევსურეთი ყველაზე ტრანსცენდენტური, თავბრუდამხვევი და ლამაზი ადგილია, რაც კი ოდესმე მინახავს და გადავწყვიტე, ამ სიმღერით მისთვის პატივი მიმეგო.”
მეტი
კანიე უესტი 2022/20223 წელს პარიზის მოდის კვირეულზე. ფოტო: სტეფანე კარდინალე

დონა სამერის სააგენტო კანიე უესტს უჩივის

ამერიკელი დისკო-ლეგენდის დონა სამერის ქონების წარმომადგენლების თქმით, კანიე უესტმა „თავხედურად და თვითნებურად“ გამოიყენა სამერის მუსიკა მას შემდეგ, რაც ლიცენზიაზე უარი მიიღო.
მეტი
ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი