Killages 2016 წელს რუსთავში დაარსდა, 2017 წელს ჯგუფი Tbilisi Newcomers-ის გამარჯვებული გახდა და ფართო აუდიტორიამ მალევე გაიცნო.
ბენდმა 2019 წელს პირველი სტუდიური ალბომი Original Brothers გამოსცა, 2023 წელს კი, მეორე სტუდიური ალბომი Outcast ლეიბლ Bloom Music-მა გამოსცა.
Killages-ის ჰიტები როგორიცაა On/Off, ისევ (Isev), Actions of Directions, Run და სხვა Youtube პლატფორმებზე დღეს უკვე მილიონობით ნახვა აქვს.
Starring Georgia-ს ფარგლებში თბილისში Imagine Dragons-ის კონცერტის წინ სცენა სწორედ ქართულმა ბენდმა Killages-მა დაიკავა და ფართო აუდიტორიის წინაშე მასშტაბური ლაივ კონცერტით წარდგა.
„დავიწყებ იმით, რომ ძალიან სასიამოვნოა ისეთი საერთაშორისო და დიდი ბრენდის არსებობა საქართველოში, როგორიც Billboard-ია, რომელიც ქართველ ხალხს ქართველ და უცხოელ შემსრულებლებს აცნობს. ძალიან მნიშვნელოვანია ის ფაქტი, რომ ქართველ არტისტებს შესაძლებლობა ეძლევათ, მათი ნამუშევრები საზღვარგარეთაც მოისმინონ, რაც ნამდვილად დასაფასებელი და კარგი ამბავია. მიხარია, რომ ჩვენც საშუალება გვეძლევა „Billboard საქართველოს“ სხვადასხვა დაგეგმილ პროექტებსა თუ ღონისძიების ფარგლებში ძალიან ბევრ ქართველ და ცნობილ უცხოელ არტისტებთან ერთად მონაწილეობა მივიღოთ.“ – გუგა მაჭარაშვილი, Killages ფრონტმენი.
Billboard Georgia Stage – ეს არის Live კონცერტების სერია, რომელიც Club Iveria-ს, Republic-ის, სილკნეტის, Silk Hospitality-ის და Eastern Promotions-ის მხარდაჭერით იმართება და მსმენელს დაუვიწყარ, ენერგიულ და შთამბეჭდავ მუსიკალურ საღამოებს და ჰპირდება.
