Miller ბრიტანელ არტისტს Hot Since 82 თბილისში მასპინძლობს

8 დეკემბერს Miller Live თბილისში ბრიტანელ დიჯეის და პროდიუსერს, Daley Padley, იგივე Hot Since 82 წარმოგიდგენთ. მას შემდეგ, რაც Hot Since 82 ბრენდ Miller-ის გლობალური ამბასადორი გახდა, მსგავს სპონტანურ ღონისძიებებს ელექტრონული მუსიკის სხვადასხვა სცენამ უმასპინძლა, ახლა კი თბილისის ჯერი დადგა.

კამპანია Miller Times, რის ფარგლებშიც Hot Since 82-ის ვიზიტია დაგეგმილი, ბრენდ მილერის გლობალური ინიციატივაა, რომლის მიზანი მსოფლიოს სხვადასხვა კუთხეში საინტერესო ღონისძიებების მოწყობაა. ბრიტანელი არტისტი ამ კამპანიას 2023 წელს შეუერთდა და რამდენიმე ექსკლუზიური ღონისძიებაც დაგეგმა, რომლის ნაწილიც თბილისიც გახდა.

 „მიყვარს, როდესაც დაკვრის დროს მსმენელს ემოციურად ვუკავშირდები. ჩემი მიზანია ისინი მუსიკის სამყაროში ვამოგზაურო და ეს თავგადასავალი მათთვის დაუვიწყარი გავხადო“ – ბრიტანელი არტისტის ტრანსფორმაცია Daley Padley-დან Hot Since 82-მდე მარტივი არ ყოფილა, მაგრამ მისი პირველივე კომპოზიციები იმდენად პოპულარული გახდა, რომ აშკარა იყო, ის არსად წასვლას არ აპირებდა.

Hot Since 82

მუსიკოსების ოჯახში დაბადებული Daley-ს პირველი შემოქმედებითი ნაბიჯები მშობლიურ ქალაქ Barnsley-ში გადაიდგა, სადაც კლუბებში დაკვრა მან 17 წლის ასაკში დაიწყო. მოგვიანებით, 2006 წელს ის იბიცაზე, კლუბ Amnesia-ს რეზიდენტი გახდა, მაგრამ Daley-ს გეგმები უფრო შორსაც მიდიოდა. გარდა კლუბებსა და ფესტივალებზე დაკვრისა, მას სურდა საკუთარი შემოქმედებითი ინტერესები სხვა ფორმითაც გამოეხატა. ამის პირველი მცდელობა კომპოზიცია Let It Ride აღმოჩნდა, რომელიც Noir Music-ზე გამოიცა და არტისტის სამარკო ნიშანი გახდა. ბრიტანული ბრეიქბიტ კულტურის და ბას მუსიკის გავლენით შექმნილი მალევე მოექცა ელექტრონული მუსიკის ჩარტების სათავეში და ფაქტობრივად Hot Since 82-ის დაბადების წინაპირობა გახდა.

Hot Since 82 ლაივი Cercle

2010 წლიდან არტისტისთვის ყველა მნიშვნელოვანი მუსიკალური ინსტიტუციის კარი გაიღო – მისი კომპოზიციები და რემიქსები ჩარტებს არ ტოვებდნენ, მისი მიქსები კი განხილვის საგანი ხდებოდა. მიუხედავად იმისა, რომ არტისტის ცნობადობა და სტატუსი ანდერგრაუნდ სივრცეებს გასცდა, Hot Since 82-სთვის საყვარელი საქმის კეთებაში ამას ხელი არ შეუშლია. ის კვლავაც რჩება საკლუბო კულტურის ნაწილად და ცდილობს არასდროს დაკარგოს კავშირი მსმენელთან, რომელსაც მისი მოსმენა უფრო ინტიმურ გარემოში მოსწონს. 

Miller-თან მისი თანამშრომლობა ცოტა ხნის წინ, It’s Miller Time-ს სარეკლამო კამპანიით დაიწყო და კოლაბორაციული ტრეკით, Atomic Sun გაგრძელდა. “ამ ტრეკზე მუშაობა ძალიან საინტერესო გამოცდილება იყო. ”Atomic Sun”-ის შექმნის მიზანი იყო იმ სპონტანური, ლაღი მომენტების გახსენება, როდესაც ყველანაირი ემოცია ერთ ადგილას იყრის თავს”  – ზუსტად ამ ემოციის გამოხატულებაა 8 დეკემბერს დაგეგმილი ღონისძიებაც.

Coachella-დან Glastonbury-მდე თუ საკლუბო კლუბ Fabric-დან იბიცამდე, Hot Since 82-ის სახელი ისმის ყველგან, სადაც ელექტრონული მუსიკა უყვართ. Mixmag-ის გარეკანის და BBC Radio 1-ის ხშირი სტუმარი ამჯერად თბილისში, Spacehall-ში დაუკრავს და ქართველ მსმენელთან თავისი კავშირის დამყარებას პირველად შეეცდება. 

Hot Sicne 82-ის პოპულარული კომპოზიციები:

ბილეთების შეძენა შესაძლებელია საიტზე tkt.ge/MillerTimes. მეტი დეტალისთვის, შეგიძლიათ ეწვიოთ ღონისძიების შესახებ  ოფიციალურ გვერდს: https://fb.me/e/3f4rpbExz

[Ad]
Share
Tweet
Share
Share
Share

წინა სტატია

პირველ დეკემბერს, ჯგუფ The Killages-ის კონცერტი Billboard Georgia Stage-ზე

შემდეგი სტატია

ლიზა ბათიაშვილისა და გიორგი გიგაშვილის კონცერტი ბრიუსელში

შეიძლება დაგაინტერესოთ

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი

ამერიკული Billboard 2024 წლის „ევროპაკონცერტის”, წინანდლის მამულისა და Silk Road Group-ის შესახებ ვრცელ სტატიას აქვეყნებს

„არის მომენტი, როცა შესრულების ძალას განაპირობებს არა მხოლოდ მუსიკოსი და გაჟღერებული მუსიკა, არამედ ისიც, თუ სად სრულდება ის,”- ვკითხულობთ სტატიაში.
მეტი

წინანდლის მამულში ისტორიული „ევროპაკონცერტი” გაიმართა

„ევროპაკონცერტი” ბერლინის ფილარმონიული ორკესტრის ყოველწლიური ღონისძიებაა, რომელიც 1991 წლიდან ყოველ 1-ელ მაისს ევროპის სხვადასხვა ქალაქში ტარდება. მსოფლიოს წამყვანი ორკესტრი საქართველოს პირველად ეწვია.
მეტი

პოლონეთის ევროკავშირში გაწევრიანების 20 წლის იუბილეს აღსანიშნავად თბილისში კონცერტების სერია გაიმართება

28 აპრილიდან 1-ელი მაისის ჩათვლით მსმენელის წინაშე ქართველი და პოლონელი მუსიკოსები წარდგებიან.
მეტი

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი