ვინ არის Billboard Music Awards-ის ყველა დროის ყველაზე მეტი ჯილდოს მფლობელი არტისტი?

დრეიკი და ტეილორ სვიფტი
OVO/Republic Records/ Marcelo Endelli/TAS23/Getty Images for TAS Rights Management

ტეილორ სვიფტი და დრეიკი – ორივე არტისტს წარმატებული საღამო ჰქონდა Billboard-ის მუსიკალურ დაჯილდოებაზე, რომელიც 19 ნოემბერს გაიმართა. სვიფტმა 10 ნომინაციაში გაიმარჯვა, რის შედეგადაც ჯამში მისი ჯილდოების რაოდენობამ 39-ს მიაღწია. დრეიკმა კი წელს 5 გამარჯვება მოიპოვა, რითაც ჯამში ასევე 39 ჯილდოს მფლობელი გახდა. შედეგად, ეს ორი ვარსკვლავი Billboard-ის ჯილდოების რაოდენობით ფრეს ინაწილებენ და ამავდროულად არიან ამ ეტაპისთვის ყველა დროის ყველაზე მეტი პრიზის მფლობელები.

სვიფტმა წელს მესამედ მოიგო ტოპ არტისტის ნომინაცია. მანამდე ეს ჯილდო 2013 და 2015 წლებში აქვს მიღებული. იგივე მონაცემები აქვს დრეიკსაც, რომელმაც ტოპ არტისტის წოდება 2017, 2019 და 2022 წლებში დაიმსახურა.

სვიფტმა თავისივე რეკორდი მოხსნა და მეექვსედ მოიგო Billboard-ის ტოპ 200 არტისტის ჯილდო. დრეიკს ეს ნომინაცია ჯერჯერობით სამჯერ აქვს მიღებული.

ორივე არტისტს ორ-ორჯერ აქვს მოგებული Billboard-ის 200 ალბომის ნომინაცია. სვიფტმა 2013 წელს გაიმარჯვა ალბომით Red და 2015 წელს – ალბომით 1989. დრეიკმა კი 2017 წელს – ალბომით Views და 2019 წელს – ალბომით Scorpion.

მიღებული ჯილდოების რაოდენობით სვიფტისთვის წლევანდელი დაჯილდოება, 10 გამარჯვებით, საუკეთესო მაჩვენებელია. Მანამდე მისი რეკორდი 8 პრიზი იყო 2013 და 2015 წლებში. დრეიკისთვის კი აქამდე საუკეთესო წელი 2017 იყო, როცა მან 13 გამარჯვება მოიპოვა. შემდეგ მოდის 2019 წელი 12 ჯილდოთი. წელს კი მიყოლებით მეორე წელია, როცა დრეიკი სახლში ხუთი პრიზით მიდის. 

ტეილორ სვიფტი და დრეიკი ჩარტების მეტოქეები 2000-იან წლებში მათი დებიუტის შემდეგ არიან. სვიფტი Billboard-ის 200 ალბომის ჩარტში პირველად 2006 წლის ნოემბერში მოხვდა, დრეიკის დებიუტამდე (2009) სამი წლით ადრე. 

მათი მონაცემები თანაბარია Billboard-ის 200 ჩარტში. ორივე არტისტს ჩარტის ლიდერი 13 ალბომი, ხოლო ტოპ 10-ში შესული 16 ალბომი აქვს. მაგრამ თუ შევხედავთ პირველ ადგილზე ყოფნის კვირების რაოდენობას, ანგარიში სვიფტის სასარგებლოდ 65:35-ია.

სამაგიეროდ Billboard Hot 100-ში დრეიკი ლიდერობს. მას ჩარტის ლიდერი 13 ჰიტი აქვს, სვიფტს – 11. ტოპ 10-ში დრეიკის 76 სიმღერაა შესული, ხოლო სვიფტის – 49. პირველ ადგილზე გატარებული კვირების ანგარიშიც დრეიკის სასარგებლოდ 56:33-ია. 

სვიფტის ჩარტების წარმატებას დრეიკი თავის სიმღერაშიც კი გამოეხმაურა. Red Button-ში, რომელიც გამხსნელი კომპოზიციაა 17 ნოემბერს გამოსული ალბომის Scary Hours 3 EP, რეპერი მღერის: „ტეილორ სვიფტი ერთადერთია, რომელმაც ჩემი ალბომის გამოცემის გადადება შეძლო.”

საუბარია დრეიკისა და 21 Savage-ის ერთობლივ ალბომზე Her Loss, რომელიც შარშან 28 ოქტომბერს უნდა გამოსულიყო. თუმცა რეპერმა მისი გამოშვების თარიღი 4 ნოემბერს გადაწია, როგორც ჩანს, სწორედ იმიტომ, რომ თავიდან აერიდებინა სვიფტის Midnights-თან კონკურენციაში შესვლა, რომელიც მაშინ ერთი კვირის გამოსული იყო. სტრატეგიამ იმუშავა. Her Loss-მა სვიფტის ალბომი Billboard 200 ალბომის ჩარტის პირველი ადგილიდან ჩამოაგდო. თუმცა მხოლოდ ერთი კვირით.

საინტერესოა, დაირღვევა თუ არა სვიფტისა და დრეიკის ფრე Billboard-ის მომავალი წლის დაჯილდოებაზე?! Ნაკლებ მოსალოდნელია, რომ უახლოეს მომავალში რომელიმე სხვა არტისტმა შეძლოს მათი გადასწრება. Რაც შეეხება Billboard Music Awards-ის ყველა დროის ყველაზე მეტი ჯილდოს მფლობელთა სიას, მესამე ადგილს ჯასტინ ბიბერი იკავებს 26 გამარჯვებით, შემდეგ მოდის The Weeknd 22 ჯილდოთი, ხოლო 20 ჯილდოთი მეხუთე ადგილზეა გართ ბრუკსი.

Share
Tweet
Share
Share
Share

წინა სტატია

Anman.land

ქართველი არტისტი Anman.land (ანამარია ბურდული) ლონდონში, ალბერტ-ჰოლის საკონცერტო დარბაზში წარდგა

შემდეგი სტატია

Nini Iris „ვოისის” 12 ფინალისტს შორისაა

შეიძლება დაგაინტერესოთ

ისტორიული კონცერტის – Live Aid-ის 12 მუსიკალური ნომერი, რომლებიც მეტ ყურადღებას იმსახურებს

ორ მთავარ სცენაზე სულ 57 არტისტი იყო წარმოდგენილი და ეს რიცხვი არ მოიცავს ევროპაში, ავსტრალიაში, იაპონიასა და საბჭოთა კავშირში გამართულ პარალელურ კონცერტებს, რომლებიც ასევე Live Aid-ის გლობალური ტელემარათონის ნაწილი იყო.
მეტი

Backstreet Boys-ის კონცერტების სერია –  Into the Millennium ლას ვეგასში, Sphere-ის სცენაზე

კონცერტზე სიმღერები 1999 წლის ალბომ Millennium-იდან შესრულდა, თუმცა არა იმ თანმიმდევრობით, როგორც ეს 90-იანი წლების თინეიჯერებს ახსოვდათ.
მეტი

ტრევის სკოტმა ახალი ალბომის – Jackboys 2-ის გამოსვლის თარიღი დაასახელა

ტრევის სკოტის მუსიკალურ კარიერაში Jackboys 2-ის ეპოქა ოფიციალურად მიმდინარე კვირას დაიწყო, როცა რეპერმა 8 ივლისს გაავრცელა სინგლი – 2000 Excursion.
მეტი
უიტნი ჰიუსტონი Marc Bryan-Brown, Courtesy of The Estate of Whitney E. Houstonm

უიტნი ჰიუსტონის სახელობის Legacy of Love –  გალაზე ჯენიფერ ჰადსონი მთავარ შემსრულებელად წარდგება

ყოველწლიური, რიგით მეოთხე ღონისძიება წელს ატლანტაში 9 აგვისტოს გაიმართება. თარიღი უიტნის დაბადების დღეს ემთხვევა, - ლეგენდარულ მომღერლს 62 წელი შეუსრულდებოდა.
მეტი

ბენი ბლანკოს თქმით, მისი და სელენა გომესის ქორწილი მშვიდი და ნაკლებად ხმაურიანი იქნება

„უბრალოდ მინდა, საწოლში ვიწვე, დავივიწყო კვირის რომელი დღეა და რაღაცებს ვუყურო. ჩვეულებრივ, ასე არ ვიქცევი, მაგრამ სელენასთან ერთად მთელი დღის ასე გატარება მიხარია,” – ამბობს ბენი ბლანკო.
მეტი

დოლი პარტონის თქმით, ქმრის გარდაცვალების შემდეგ სიმღერების წერა დროებით შეწყვიტა

„ამ ეტაპზე არ შემიძლია, რადგან ძალიან ბევრი სხვა რაღაც მაქვს გასაკეთებელი და ახლა ასეთ ემოციებში გადაშვება უბრალოდ ფუფუნებაა, რომლის უფლებასაც თავს ვერ მივცემ,” – თქვა პარტონმა.
მეტი
გიორგი მიქაძე photo: Jean-Baptiste Millot 2023 – Jardin Du Luxembourg Paris, France

ქართველი მუსიკოსი გიორგი მიქაძე ოფიციალურად გრემის Recording Academy-ს ჟიურის წევრი გახდა

„ეს ნიშნავს, რომ უკვე მაქვს შესაძლებლობა გრემის ჯილდოზე ხმის მიცემის, მუსიკოსების მხარდაჭერის და ჩემი ჩანაწერების წარდგენის გრემიზე.“ - გიორგი მიქაძე
მეტი