კანიე უესტი Vultures-ის ტრეილერს აქვეყნებს

ალბომი თებერვალში, მარტსა და აპრილში სამ ნაწილად გამოვა.
Vultures
Blake/Walker

კანიე უესტმა ახალი ალბომის ტრეილერი გამოაქვეყნა. Vultures – ასე ჰქვია ალბომს, რომელიც მუსიკოსმა ტაი დოლა საინთან თანამშრომლობით შექმნა და რომლის გამოცემაც რამდენჯერმე გადაიდო. 

ტრეილერი, რომლის ავტორია ჯონ რაფმანი, სავსეა მისტიკური სცენებით და მასში არ ჩანს არც თავად უესტი და არც ტაი დოლა საინი. ვიდეო სრულდება Vultures-ის სამი ნაწილის გამოშვების თარიღებით, რომლის მიხედვითაც პირველი ნაწილი 9 თებერვალს გამოვა, მეორე – 8 მარტს, ბოლო ნაწილი კი – 5 აპრილს. 

ალბომის გამოშვების თარიღი უკვე არაერთხელ შეიცვალა. თავდაპირველად მისი გამოცემა ოქტომბერში იგეგმებოდა, მაგრამ რამდენჯერმე გადაიდო: ჯერ 15, შემდეგ კი 31 დეკემბრისთვის

ალბომის დაგვიანების მიზეზი შესაძლოა ნებართვების პრობლემებიც გამხდარიყო, რის წინაშეც უესტი არაერთხელ დადგა. მაგალითად, სიმღერისთვის Everybody, რომელშიც Backstreet Boys-ის ჰიტის Backstreet Back-ის სემპლია გამოყენებული, გავრცელებული ინფორმაციით, კანიეს ჯგუფისგან ნებართვა არ აუღია. ამასთანავე, წინა კვირას უესტს ნებართვა არც ნიკი მინაჟმა მისცა მათ 2018 წლის ერთობლივ ნამუშევარზე New Body. მინაჟმა კანიეს ინსტაგრამის ლაივის დროს უპასუხა.  

„რაც შეეხება კანიეს, მაგ მატარებელმა უკვე ჩაიარა. არანაირი უპატივცემულობა, უბრალოდ მე ახლახან გამოვუშვი სრულიად ახალი ალბომი. და რატომ გამოვუშვებ ახლიდან სიმღერას, რომელიც სამი წელია გამოცემულია?” 

მინაჟს კი უესტი გამოეხმაურა და თქვა: „ამ გოგოს სამჯერ გადავაწერინე თავისი სტროფი Monster-ისთვის. მე მის კარიერას მხარს ვუჭერდი.” 

ნახეთ Vultures-ის ტრეილერი და კანიე უესტის პოსტი ალბომის გამოცემის თარიღებით:

Share
Tweet
Share
Share
Share

წინა სტატია

ბონ ჯოვის შესახებ გადაღებული დოკუმენტური სერიალის პრემიერა აპრილში შედგება

შემდეგი სტატია

MokuMoku - Say what you Say

MokuMoku-ს ახალი ტრეკი Say what you Say

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი