2024 წლის Billboard Women in Music-ის დაჯილდოება, რომელიც Marriott Bonvoy-ის მიერ არის წარდგენილი, ლოს-ანჯელესის YouTube თეატრში შედგა.
6 მარტს გამართულ ღონისძიებაზე მუსიკალური ინდუსტრიის ყველაზე გავლენიანი ქალები დაჯილდოვდნენ. საღამოს ტრეისი ელის როსი უძღვებოდა და ჯილდოები მუსიკალურ ინდუსტრიაში შეტანილი გამორჩეული წვლილისთვის ქალ მუსიკოსებს გადაეცათ. წლის ქალის ტიტულის მფლობელი კეროლ ჯი გახდა, აის სპაისს ჰიტების შემქმნელის პრიზი (Hitmaker) გადაეცა, კაილი მინოუგი კი წლის საკულტო სახედ დაასახელეს.
დაჯილდოებაზე იღბლიანმა გულშემატკივრებმა VIP, Marriott Bonvoy Moments-ის პლატფორმის მეშვეობით ექსკლუზიური შეთავაზება მიიღეს. ღონისძიებაზე გულშემატკივრები წითელი ხალიჩის პირველ რიგში იმყოფებოდნენ და შოუს განმავლობაში შესაძლებლობა ჰქონდათ ღონისძიებისთვის კლუბის სივრცეში დამსხდარიყვნენ.
2024 წლის Billboard Women in Music-ის დაჯილდოება Marriott Bonvoy-მ წარადგინა, რომელიც ერთ-ერთი უმსხვილესი სასტუმროების ბრენდია და მსოფლიოში 10,000-ზე მეტ მიმართულებას გვთავაზობს.
