მოსამართლის გადაწყვეტილებით, Diddy-ს წინააღმდეგ ჯგუფური გაუპატიურების საქმე ანონიმური არ იქნება

მოსამართლის განმარტებით, ქალმა ფაქტების დამტკიცება ანონიმურობის პირობებში ვერ შეძლო.
ფოტო: ჯონ ლემპარსკი/Wireimage

ფედერალური მოსამართლის გადაწყვეტილებით, მომჩივანი ქალი, რომელიც რეპერ Diddy-ის ჯგუფურ გაუპატიურებასა და ტრეფიკინგში ადანაშაულებს, საკუთარ იდენტობას ანონიმურად ვერ დატოვებს და საქმის მსვლელობისას მისი ვინაობაც გასაჯაროვდება. 

მოსამართლის თქმით, ის აცნობიერებს, თუ რამდენად დიდი გავლენა შეიძლება ჰქონდეს ამას მომჩივანზე, თუმცა ქალმა ფაქტების დამტკიცება ანონიმურობის პირობებში ვერ შეძლო. 

მოსამართლემ მაგალითად მოიყვანა ჰარვი ვაინშტაინისა და კევინ სპეისის სასამართლო პროცესები, როცა მოსარჩელეებს უარი უთხრეს ანონიმურობაზე, თუმცა ნება დართეს, რომ საქმეში ფსევდონიმებით ყოფილიყვნენ წარმოდგენილნი. მოსამართლის თქმით, ეს გამონაკლისი იყო და არა წესი. 

Diddy-ის მომჩივანი ქალის ვინაობა დაუყოვნებლივ არ გასაჯაროვდება. ამჟამად სასამართლომ გადაწყვეტილება უნდა მიიღოს  რეპერის შუამდგომლობაზე, რომ სარჩელი სასამართლომ წარმოებაში არ მიიღოს. თუ სასამართლო Diddy-ს შუამდგომლობას არ დააკმაყოფილებს და პროცესი გაგრძელდება, მაშინ მოსარჩელის ვინაობა საქმეში ჩაიწერება.

უკანასკნელი წლის განმავლობაში Diddy-ს წინააღმდეგ სასამართლოს რამდენიმე ადამიანმა მიმართა. მოსარჩელე ამტკიცებს, რომ რეპერმა და ხმის ჩამწერი სტუდიის, Bad Boy Records-ის ყოფილმა პრეზიდენტმა ჰარვი პიერმა მას ნარკოტიკული საშუალებები ჩუმად მოაღებინეს და მანჰეტენზე მდებარე სტუდიაში მასზე სექსუალურად იძალადეს. ქალი ამტკიცებს, რომ მაშინ ის სკოლის მოსწავლე იყო.

Diddy ბრალდებას კატეგორიულად უარყოფს. „მე არ ჩამიდენია ის საშინელი ქმედებები, რაშიც მადანაშაულებენ. ჩემი სახელისათვის, ოჯახისა და სიმართლისათვის ვიბრძოლებ,”- აცხადებს რეპერი.

Share
Tweet
Share
Share
Share

წინა სტატია

ბიონსე COWBOY CARTER - ფოტო: ბლერ კალდუელი

ბიონსემ ახალი ალბომის სიმღერების სია გამოაქვეყნა

შემდეგი სტატია

თბილისის სახელმწიფო კამერულმა ორკესტრმა „საქართველოს სინფონიეტა“ და პიანისტმა თამარ ლიჩელმა ინდოეთში კონცერტი გამართეს

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი