12, 19 და 25 მაისს ჯანსუღ კახიძის სახელობის რიგით IX საერთაშორისო მუსიკალური ფესტივალი გაიმართება, რომელსაც ჯანსუღ კახიძის სახელობის თბილისის მუსიკალურ-კულტურული ცენტრი უმასპინძლებს. ფესტივალი საქართველოს კულტურისა და სპორტის სამინისტროს მხარდაჭერით გაიმართება.
ჯანსუღ კახიძის სახელობის საერთაშოროსო მუსიკალური ფესტივალი 2015 წელს ჯანსუღ კახიძის სახელობის თბილისის მუსიკალურ-კულტურული ცენტრის ინიციატივითა და საქართველოს კულტურისა და სპორტის სამინისტროს მხარდაჭერით დაფუძნდა. ფესტივალის პირველი გამოშვება ქართველი დირიჟორის, ჯანსუღ კახიძის 80 წლის იუბილეს მიეძღვნა. მას შემდეგ ფესტივალი ყოველწლიურ ხასიათს ატარებს. მისი პროგრამა მოიცავს თბილისის სიმფონიური ორკესტრისა და პოპულარული მუსიკის მსოფლიო შემსრულებლების შემოქმედებით თანამშრომლობაზე. თბილისის სიმფონიურ ორკესტრთან ერთად პროექტში მონაწილეობენ ისეთი ვარსკვლავები, როგორებიც არიან The Manhattan, New York Voices, ივან ლინსი, ბობ ჯეიმსი და სხვები.
ფესტივალი ყველა ჟანრის მუსიკის მოყვარულთათვისაა განკუთვნილი. ამასთან ერთად, ის ეწევა ქართული მუსიკის პოპულარიზაციას, რის ფარგლებშიც მსმენელს ქართველი შემსრულებლების მონაწილეობით მუდმივად სთავაზობს საინტერესო პროექტებს.
ფესტივალის პროგრამა:
12 მაისი
პაკიტო დ’რივერა და თბილისის სიმფონიური ორკესტრი
დირიჟორი -ვახტანგ კახიძე
19 მაისი
კურტ ელინგი და თბილისის სიმფონიური ორკესტრი
დირიჟორი -ვახტანგ კახიძე
25 მაისი
ანჟელიკ კიჯო და თბილისის სიმფონიური ორკესტრი
დირიჟორი-ვახტანგ კახიძე
