გასულ ზაფხულს ბილბორდის საუკეთესო 100-ის ტოპ ათეულში ტაილა დიჩის სიმღერა Water შევიდა, რამაც საკმაოდ დიდი აჟიოტაჟი გამოიწვია. წელს კი, 2024 წლის Met Gala-ზე, მუსიკოსის დებიუტი შედგა.
წლევანდელი Met Gala-ს დრესკოდის, The Garden of Time-ის პატივსაცემად, სამხრეთ აფრიკელი მომღერალი Balmain-ის კაბით წარდგა. კაბა ქვიშის სიმბოლოს ასახავდა, რომელსაც ქვიშის საათის აქსესუარი ამშვენებდა.
„მე ქვიშას ვატარებ, უფრო სწორად ქვიშის საათს, წელს ჩემი დებიუტია Met Gala-ზე, ამიტომ გვინდოდა ჩარჩოებს გარეთ გავსულიყავით და Balmain-თან ერთად სწორედ ეს კაბა შევქმენით. საოცარი შეგრძნება მაქვს. სახლში მივალ და აქ გადაღებულ ფოტოებს დავათვალიერებ. ძალიან მომწონს ეს კოსტიუმი.“ – თქვა მუსიკოსმა Met Gala-ს წითელ ხალიჩაზე წამყვან ლალა ენტონისთან.
მიუხედავად იმისა, რომ ტაილა დიჩს Coachella-ს ფესტივალზე პერფორმანსის გაუქმება და ჩრდილოეთ ამერიკის ტურნეს გადადება მოუწია, მუსიკოსმა განაცხადა, რომ მოუთმენლად ელის ტურნეს და ფესტივალების განახლებას. „ახლახან დავდე ჩემი სადებიუტო ალბომი – Tyla, მოისმინეთ და გადადით სტრიმზე.”
ტაილა დიჩმა სადებიუტო სტუდიური ალბომი Tyla 2024 წლის 22 მარტს Fax-ისა და Epic Records-ის მეშვეობით გამოსცა. ბილბორდ 200-ში ალბომმა 24-ე ადგილი დაიკავა, მერვე ადგილზეა ტოპ R&B/Hip-Hop ალბომებში, ხოლო მსოფლიო ალბომებს შორის ბოლო ორი კვირის განმავლობაში პირველ ადგილს იკავებს.
