ნიჭიერთა ათწლედის 90 წლის იუბილე

2024 წლის 8 ივნისს ჯანსუღ კახიძის სახელობის თბილისის მუსიკალურ-კულტურული ცენტრში ნიჭიერთა ათწლედის 90 წლის იუბილესთან დაკავშირებით კონცერტი გაიმართება.
ნიჭიერთა ათწლედის 90 წლის იუბილე • კახიძის მუსიკალური ცენტრი
ნიჭიერთა ათწლედის 90 წლის იუბილე • კახიძის მუსიკალური ცენტრი

სამუსიკო სკოლა „ნიჭიერთა ათწლედი” დაარსებიდან 90 წლის აღსანიშნავად თბილისის სიმფონიური ორკესტრისა და „ნიჭიერთა ათწლედის“ მოსწავლეთა ერთობლივ ღონისძიებას წარმოგიდგენთ. კონცერტს მაესტრო ვახტანგ კახიძე უდირიჟორებს.

ნიჭიერთა ათწლედის კონცერტში მონაწილეობას ამირან მარიამიძე, ანდრია ბუხსიანიძე, ანდრია ბოლქვაძე, ივანე ჯავახიშვილი, რეზი მარშანია, მიხეილ ფანცხავა და ანი ანაკიძე მიიღებენ. შესრულდება ფ. მენდელსონის, ე. გრიგის, მ. რაველის, ს. რახმანინოვის, ე. ლალოს, კ. სენ-სანსის და ხ. როდრიგოს ნაწარმოებები.

ნიჭიერთა ათწლედის სამუსიკო სკოლა 1934 წელს თბილისის კონსერვატორის ბაზაზე შეიქმნა და მას კონსერვატორიის პროფესორები ხელმძღვანელობდნენ. 1947 წელს სკოლას ზაქარია ფალიაშვილის სახელი მიენიჭა. 

აღსანიშნავია რომ, ნიჭიერთა ათწლედმა საქართველოს კლასიკური მუსიკის განვითარებასა და მის საერთაშორისო აღიარებაში უდიდესი წვლილი შეიტანა. სამუსიკო სკოლამ დღემდე უამრავი ცნობილი მუსიკოსი აღზარდა, მათ შორის არიან ჯანსუღ კახიძე, გია ყანჩელი, ბიძინა კვერნაძე, ლიანა ისაკაძე, სულხან ცინცაძე, ელისო ვირსალაძე, დუდანა მაზმანიშვილი, გიორგი გიგაშვილი, ლიზი რამიშვილი და სხვები.

ღონისძიება ჯანსუღ კახიძის სახელობის თბილისის მუსიკალურ-კულტურულ ცენტრში გაიმართება, ბილეთების შეძენა კი ამ ბმულზეა შესაძლებელი.

Share
Tweet
Share
Share
Share

წინა სტატია

ეკატერინე გოგლიძე - ფოტო: ნინუცა კაკაბაძე

ეკატერინე გოგლიძე – ინგლისში მცხოვრები ქართველი მუსიკოსი, რომელმაც Warner Music Group-თან ხელშეკრულება გააფორმა

შემდეგი სტატია

ARCHIVE (c) TBILISI OPEN AIR / Shalika Studio

ბრიტანული ბენდის, ARCHIVE-ის ხმოვანი ნარატივი – Tbilisi Open Air-ზე

შეიძლება დაგაინტერესოთ

„მუსიკოსები ევროპული მომავლისთვის” – აქცია-კონცერტი რესპუბლიკის მოედანზე

კონცერტის მიზანი საპროტესტო აქციებზე დაკავებული მოქალაქეებისთვის დაკისრებული ჯარიმების თანხის შეგროვებაა.
მეტი

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი