ფარელ უილიამსის ანიმაციურ-ბიოგრაფიული ფილმის თრეილერში ფარელს, Jay-Z-ის და კენდრიკ ლამარს ლეგოს სახით იხილავთ

ანიმაციურ – ბიოგრაფიულ ფილმში Piece by Piece გვენ სტეფანი, Snoop Dogg და ჯასტინ ტიმბერლეიკიც მონაწილეობენ.

ფარელ უილიამსის ავტობიოგრაფიული ფილმი Piece by Piece სხვა მუსიკოსების ბიოგრაფიული ფილმებისგან საკმაოდ განსხვავებულია. ფილმში ძირითადი მოქმედება ლეგოს სამყაროში ხდება.  Piece by Piece-ის  თრეილიერი 6 ივნისს  გამოვიდა, სადაც ლეგოს სახით ბევრ ცნობილ მომღერალს იხილავთ.

ფილმის თრეილერში კადრი ფარელის ლეგოს ავატარით იხსნება, რომელიც ფილმის რეჟისორ მორგან ნევილს ეუბნება: „იცით, რა მაგარი იქნება, თუ ჩემს ისტორიას ლეგოს ნაწილებით მოვყვებით?”

შემდეგ კადრი ფარელ უილიამსის ბავშვობის ანიმაციურ „ლეგოლენდში“ გადადის, რასაც წლების განმავლობაში მისი მუსიკალური პროექტებიდან კადრები მოსდევს. კლიპში ასახულია ის ცნობილი ვარსკვლავები, ვისთანაც ფარელ უილიამსს წლების განმავლობაში უთანამშრომლია, მათ შორის არიან Snoop Dogg, გვენ სტეფანი, კენდრიკ ლამარი, Jay-Z, ჯასტინ ტიმბერლეიკი, ბასტა რაიმსი.

„მიყვარს მუსიკა, ის ყოველთვის მხიბლავდა.“- ამბობს ფარელ უილიამსი თრეილერში.

ფილმი Piece by Piece, ფარელ უილიამსის ორ ახალ სიმღერასთან ერთად, კინოთეატრებში 11 ოქტომბერს გამოვა. მუსიკოსმა ამის შესახებ პირველად ინფორმაცია იანვარში, ინსტაგრამზე გააზიარა: „ვინ იფიქრებდა რომ ბავშვობაში ჩემი ლეგოსთან თამაში ჩემს ცხოვრებაზე შექმნილ ფილმად გადაიქცეოდა?“

„ჩემი ისტორია ბევრი ადამიანისთვის არასდროს ყოფილა განსაკუთრებული მნიშვნელობის. ეს ალბათ იმის გამო ხდება, რომ ადამიანების უმეტესობა ერთ ან ორ ხაზს ირჩევს და ბოლომდე მას მიჰყვება, მე კი სხვადასხვა ხაზის გადაკვეთა, სხვადასხვა სამყაროში გადასვლა მიყვარს და იმ გამოცდილების მიღება რაც მიზიდავს და მაინტერესებს.“ – განაცხადა ფარელ უილიამსმა ერთ-ერთ ინტერვიუში.

ნახეთ ფარელის ბიოგრაფიული ფილმის თრეილერი:

Share
Tweet
Share
Share
Share

წინა სტატია

ნახეთ ბილი აილიშის მუსიკალური ვიდეო სიმღერაზე Chihiro

შემდეგი სტატია

Bon Jovi ახალი ალბომით დაბრუნდა

შეიძლება დაგაინტერესოთ

ჰანს ციმერი ოსკარის 67-ე დაჯილდოებაზე, როდესაც მან ოსკარი მოიპოვა ანიმაციური ფილმისთვის The Lion King JEFF HAYNES/AFP GI

ჰანს ციმერი  Dune-ის მეორე ნაწილის ოსკარიდან დისკვალიფიკაციაზე საუბრობს: „ეს უბრალოდ სულელური წესია“

კომპოზიტორმა 2021 წელს, ფილმისთვის Dune, აკადემიის ჯილდო მოიპოვა, თუმცა 2024 წელს ფილმის მეორე ნაწილისთვის ამ წარმატების გამეორება ვერ შეძლო.
მეტი
ჩარლი XCX ჰოლივუდი, კალიფორნია, 2024 წლის 12 დეკემბერი. რობინ ბეკი/AFP via Getty Images

ახალი ცნობების მიხედვით, Charli XCX გრეტა გერვიგის ფილმ „ნარნიას ქრონიკებში” მიიღებს მონაწილეობას

გერვიგის კინოვერსია მწერალ კლაივ ლუისის საბავშვო ფანტასტიკის სერიის მიხედვით არის შექმნილი, რომლის გამოსვლაც კინოეკრანებზე 2026 წელს იგეგმება.
მეტი