ჯასტინ ტიმბერლეიკი დააკავეს

მომღერლის თქმით, მას მხოლოდ ერთი მარტინი ჰქონდა დალეული.
ჯასტინ ტიმბერლეიკი კელი კლარკსონის შოუში
Weiss Eubanks/NBCUniversal via Getty Images

ჯასტინ ტიმბერლეიკი მანქანის ნასვამ მდგომარეობაში მართვის დროს დააკავეს. გავრცელებული ინფორმაციით, ის ნიუ-იორკში რესტორნიდან მეგობრის სახლში მიდიოდა. როგორც ტიმბერლეიკის ადვოკატმა „სიენენს” უთხრა, მომღერალი ამჟამად გათავისუფლებულია და წარდგენილი აქვს ბრალდება ნასვამ მდგომარეობაში მანქანის მართვისთვის.

ოფიციალური ანგარიშის მიხედვით, რომელიც „ბილბორდმა” მოიპოვა, ტიმბერლეიკმა პოლიციას უთხრა, რომ მას მხოლოდ ერთი მარტინი ჰქონდა დალეული. ამავე ანგარიშში წერია, რომ ჯასტინი გზაზე მას შემდეგ გააჩერეს, რაც გაჩერების საგზაო ნიშანს არ დაემორჩილა, გზა განაგრძო და ამასთანავე, ვერ ახერხებდა მოძრაობის თავის ზოლში შენარჩუნებას. 

„როგორც გაირკვა, ბრალდებული მანქანას ნასვამ მდგომარეობაში მართავდა. მისი თვალები ჩაწითლებული და გაშტერებული იყო. ჰქონდა ალკოჰოლის ძლიერი სუნი, რომელსაც სუნთქვის დროს გამოყოფდა. მას არ შეეძლო კონცენტრირება, ჰქონდა შენელებული საუბარი, ვერ ახერხებდა ფეხზე მყარად დგომას და ვერ გაიარა სტანდარტული სიფხიზლის ტესტები,” – აღნიშნულია ანგარიშში, რომელშიც ასევე მოყვანილია თავად ტიმბერლეიკის ციტატაც: „ერთი მარტინი დავლიე და ჩემს მეგობრებს სახლში გავყევი.”

ჯასტინ ტიმბერლეიკი
Sag Harbor Police Department

„ბატონი ტიმბერლეიკი დავაპატიმრეთ და ერთი ღამით გავაჩერეთ. დილას კი ბრალდება წარედგინა და გირაოთი გათავისუფლდა,” –  აღნიშნავს პოლიციის დეპარტამენტი გავრცელებულ განცხადებაში. მომღერლის ადვოკატმა „ბილბორდთან” კომენტარი არ გააკეთა.

ტიმბერლეიკის შემდეგი სასამართლო მოსმენა 26 ივლისს ჩაინიშნა – იმ დღეს, როცა მომღერალი კონცერტს კრაკოვში მართავს Forget Tomorrow მსოფლიო ტურნეს ფარგლებში, რომელშიც ამჟამად იმყოფება.

Share
Tweet
Share
Share
Share

წინა სტატია

Coldplay ფოტო: ანა ლიი

Coldplay მეათე სტუდიური ალბომის, Moon Music-ის შესახებ ახალ დეტალებს ავრცელებს

შემდეგი სტატია

ნახეთ ალბომები, რომლებიც 2024 წლის განმავლობაში გამოვა

შეიძლება დაგაინტერესოთ

კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
მეტი

მუსიკოსები და სხვა ცნობილი ადამიანები ჯო ბაიდენის მიერ საპრეზიდენტო არჩევნებში კანდიდატურის მოხსნას ეხმიანებიან

„ჯო ბაიდენი ისტორიაში შევა, როგორც ადამიანი, რომელმაც თავისი საპრეზიდენტო ვადის ბოლო ეტაპზეც მნიშვნელოვან წარმატებას მიაღწია,” - განაცხადა ბაიდენის მხარდამჭერმა ბარბრა სტრეიზანდმა.
მეტი