ქართველი არტისტის, ელენე გიგანის მუსიკალური პროექტი DEENA 2022 წლიდან Didube Records-ზე სადებიუტო ალბომ Low Love-ის გამოშვებით იწყება. DEENA-ს ძირითადი შთაგონება Trap, Pop და R&B ჟღერადობებიდან იღებს სათავეს. არტისტი წარმოშობით სვანეთიდან არის, რაც მის სასცენო სახელშიც გამოიხატება, DEENA სვანურ ენაზე გოგოს ნიშნავს.
აღსანიშნავია, რომ 29 ივნისს Mtkvarze ლაივ კონცერტს Didube Records-ის კიდევ ერთი არტისტი, 10G$ (თენგიზ მჟავია) შეუერთდება, რომელიც ჰიპ-ჰოპ ჯგუფ MoonG-ის წევრიც გახლავთ.
10G$-ს (თენგიზ მჟავიას) DEENA-სთან რამდენიმე ერთობლივი ნამუშევარი აქვს გამოცემული. სამი თვის წინ კი 10G$-ს სადებიუტო ალბომი Swoosh Didube Records-ის ლეიბლით გამოვიდა.
„ამ კონცერტს რეალურად უკვე ძალიან დიდი ხანია ველოდები. კონცერტი მაისში უნდა ჩატარებულიყო, მაგრამ ქვეყანაში შექმნილი სიტუაციის გამო ერთობლივი გადაწყვეტილება მივიღეთ ჯგუფმა, რომ არ გაგვეკეთებინა და 29 ივნისისთვის გადავიტანეთ. კონცერტზე სპეციალურად მოწვეული სტუმარი 10G$ (თენგიზ მჟავია) გვეყოლება, სადაც მასთან ერთად რამდენიმე ტრეკს შევასრულებ. რამდენიმე ხნის წინ მან ალბომი გამოუშვა და ასევე ჰიპ-ჰოპ ჯგუფის MoonG წევრი და Didube Records-ის ერთ-ერთი დამფუძნებელია. თენგოსთან ერთად ახალ ტრეკს ვიმღერებ, რომელიც მის ალბომშიც არის შესული. სიმღერას Sixteen ჰქვია. რაც შეეხება რეპერტუარს, შევასრულებ რამდენიმე ახალ ტრეკსაც, რომელიც ხალხს ჯერ არ მოუსმენია, მათ შორის ჩემი პროდიუსერობით შექმნილი ტრეკი Ring Ring, რომელიც ივლისში გამოვა. ლაივ კონცერტი იქნება ძალიან ენერგიული და დადებითი მუხტით სავსე.“ – DEENA
დამატებითი ინფორმაცია ლაივის შესახებ იხილეთ აქ.
