მაიამის სანაპიროზე Diddy-ის დღე აღარ აღინიშნება

Miami Beach-ის კომისიამ Diddy-ის დღე 2016 წლის 13 ოქტომბერს დააწესა.
Diddy
Diddy

შონ კომბსის (Diddy) მიერ კეისი ვენტურას მიმართ ძალადობის ამსახველი კადრების გავრცელების შემდეგ რეპერი მის გარშემო არსებულ ყველა ბრალდებას ისევ უარყოფს.

Miami Herald-ის ცნობით, „მაიამი ბიჩის“ კომისიამ 13 ოქტომბერს რეპერისადმი მიძღვნილი დღე Diddy Day გააუქმა, რომელიც  2016 წელს დააარსა.

გაუქმების შესახებ გადაწყვეტილება განხილვის გარეშე 26 ივნისს იქნა მიღებული. Diddy იყო „მაიამი ბიჩის“ ვარსკვლავების კუნძულის საზოგადოების მთავარი წევრი. მარტში ფედერალურმა ბიურომ Diddy-ის მაიამის სახლი და ასევე ლოს-ანჯელესში მდებარე სახლი გაჩხრიკა.

ივნისის დასაწყისში  Diddy-მ ნიუ-იორკის მერის, ერიკ ადამსის წერილობითი მოთხოვნის შემდეგ, ნიუ-იორკს ქალაქის სიმბოლური გასაღებიც დაურბრუნა. ქალაქის სიმბოლური გასაღები 1702 წლიდან გადაეცემა მოქალაქეს და ის ნიუ-იორკში სამოქალაქო აღიარებისა და მადლიერების სიმბოლოს მნიშვნელობის მატარებელია.

„მკაცრად ვგმობ ამ ქმედებებს და სოლიდარობას ვუცხადებ ოჯახური და გენდერული ძალადობის ყველა მსხვერპლს”- წერს ნიუ-იორკის მერი ერიკ ადამსი.

ჰოვარდის უნივერსიტეტმა  Diddy-სადმი მინიჭებული საპატიო ხარისხის წოდება Diddy-ს სახელობის სტიპენდიის პროგრამაც გააუქმა, მას შემდეგ, რაც „სიენენმა” ლოს-ანჯელესის სასტუმროში სათვალთვალო კამერით  2016 წელს გადაღებული კადრები გაავრცელა, სადაც Diddy კეისი ვენტურას ფიზიკურ შეურაცხყოფას აყენებს.

Diddy-მ კადრების გავრცელების შემდეგ საჯაროდ მოიხადა ბოდიში, თუმცა გასულ კვირას ინსტაგრამის ანგარიში გაასუფთავა და ყველა პოსტი წაშალა. მათ შორის ბოდიშის ვიდეოც.

„გაბრაზებული ვიყავი, არ ვამართლებ საკუთარ თავს, ამ ვიდეოში ჩემი საქციელი უპატიებელია და სრულად ვიღებ პასუხისმგებლობას. საზიზღარი ვიყავი როცა ეს ჩავიდინე და საზიზღარი ვარ ახლაც.“ – ამბობდა Diddy.

კეისი ვენტურა და Diddy 2007 წლიდან თითქმის ათი წლის განმავლობაში ხვდებოდნენ ერთმანეთს. კეისი ვენტურამ რეპერს 2023 წელს უჩივლა. ის ამტკიცებდა, რომ მუსიკოსი მასზე გამუდმებით ძალადობდა. მართალია, ვენტურას სარჩელი მეორე დღესვე მორიგებით დასრულდა, თუმცა 2024 წლის 17 მაისს „სიენენმა” 2016 წელს გადაღებული სათვალთვალო კამერის ჩანაწერი გამოაქვეყნა, რომელშიც რეპერი ვენტურას სასტუმროს დერეფანში ფიზიკურად უსწორდება. მიუხედავად იმისა, რომ Diddy-მ ვენტურას თავდაპირველი ბრალდებები უარყო, ვიდეოს გამოქვეყნების შემდეგ მან საჯაროდ მოიხადა ბოდიში. 

Share
Tweet
Share
Share
Share

წინა სტატია

ლანა დელ რეი და Quavo ერთობლივი ნამუშევრის გამოცემის თარიღს აანონსებენ

შემდეგი სტატია

კამილა კაბეიომ ახალი ალბომი – C,XOXO გამოუშვა

შეიძლება დაგაინტერესოთ

ჰარი სტაილსის ახალი ცვილის ფიგურა მადამ ტიუსოს მუზეუმში.

ჰარი სტაილსის ახალი ცვილის ფიგურა მადამ ტიუსოს მუზეუმში

ცნობილი კოსტიუმი ჰარი სტაილსს 2022 წელს Coachella-ს ფესტივალზე ეცვა, ახლა კი ამ კოსტიუმში გამოწყობილი ცვილის ფიგურა მადამ ტიუსოს მუზეუმში განთავსდება.
მეტი
არიანა გრანდე 2024 წლის 10 მარტს ოსკარის დაჯილდოებაზე, ფოტო: არტურო ჰოლმსი

არიანა გრანდე მამაკაც მსახიობებს ორმაგ სტანდარტებში ადანაშაულებს

არიანა გრანდეს ხმის შეცვლის გამო აკრიტიკებენ, „ღმერთმა ქნას, გლინდასავით შემეძლოს დაცემინება“ - ამბობს პოპ-ვარსკვლავი
მეტი