ლანა დელ რეიმ და Quavo-მ ერთობლივი ნამუშევრის გამოცემის თარიღი დააანონსეს. როგორც ჩანს, მუსიკოსები დამოუკიდებლობის დღის აღსანიშნავად ამერიკელებს ახალ ჰიმნს შესთავაზებენ – კომპოზიცია, სახელწოდებით Tough, 3 ივლისს გამოვა.
ინფორმაცია თავის ინსტაგრამ გვერდზე Quavo-მ გაავრცელა. რეპერმა მისი და ლანას პოლაროიდის ფოტო გამოაქვეყნა წარწერით – Tough 07.03.24.
ახალ ამბავს პოსტის კომენტარებში მუსიკოსების თაყვანისმცემლები გამოეხმაურნენ: „არავინაა მზად ჩემი ახალი პიროვნებისთვის, როცა ეს სიმღერა გამოვა!” „4 ივლისს არ დაამთხვიეთ, რადგან ის დღესასწაულს ჩაანაცვლებდა.”
ლანა დელ რეისა და Quavo-ს დუეტის შესახებ ინფორმაცია მაისში გავრცელდა. ეს მუსიკოსების თანამშრომლობის პირველი შემთხვევაა. წელს ლანას ასევე დაანონსებული აქვს ქანთრი ალბომის გამოშვება, სახელწოდებით Lasso. Quavo-მ კი 2024 წელს უკვე არაერთი სინგლი გამოსცა.
ნახეთ Quavo-ს პოსტი:
