ჰარი სტაილსის 2022 წლის Coachella-ს სასცენო კოსტიუმი მადამ ტიუსოს მუზეუმში უკვდავყვეს.
ცვილის ფიგურის პრეზენტაცია მადამ ტიუსოს მუზეუმში, მუსიკალურ ქალაქში, 19 ივლისს შედგება. ვარდისფერი ბეწვისგან შექმნილი ქურთუკი და მარწყვის დეტალებით გაფორმებული ჟილეტი პოპ-არტისტს Coachella-ს ფესტივალზე 2022 წელს ეცვა.
ჰარი სტაილსის ცვილის ფიგურას ყელსაბამი და ტატუებიც ამშვენებს.
„ჰარი სტაილსი გლობალური პოპ-ვარსკვლავია და ჩვენ მოხარულები ვართ ამ ზღაპრული ფიგურით. ჩვენი მუზეუმი მუსიკალური ქალაქის ვიზიტორთა გამოცდილებას ითვალისწინებს. სტუმრებს უკვე შეუძლიათ, ახლოდან გაეცნონ ლეგენდარულ ვარსკვლავებს”, – ამბობს კელი ფილგი, „მადამ ტიუსო ნეშვილის“ გენერალური მენეჯერი.
ჯერ კიდევ 2023 წელს ჰარი სტაილსის რვა ცვილის ფიგურა შეიქმნა, რომლებიც ლონდონის, ნიუ-იორკის, ჰოლივუდის, ამსტერდამის, ბერლინის, სინგაპურის, სიდნეისა და ორლანდოს მუზეუმებში იყო გამოფენილი.
„ჰარი ნამდვილად ჰიტ-შემსრულებელია ჩვენს ვარსკვლავებს შორის“, – დასძინა კელი ფილდმა.
ნახეთ ჰარი სტაილსის ახალი ცვილის ფიგურა მადამ ტიუსოს მუზეუმში.
