31 ივლისს The Hollywood Reporter-ში 50 Cent-ის ინტერვიუ გამოქვეყნდა, სადაც რეპერმა და G-Unit-ის მაგნატმა კენდრიკ ლამარსა და Drake-ს შორის დაპირისპირებაზე ისაუბრა.
„ეს არის ჰიპ-ჰოპი. ეს ბუნებრივი კონკურენციაა. Drake-ის დამოკიდებულება და არჩევანი ჩემ თავს მახსენებს. ყველამ საკადრისი უნდა მიიღოს, ვფიქრობ ეს Drake-ის წარმატების და გამოწვევის ერთადერთი გზაა.“
50 Cent-ის თქმით, როდესაც არსებობს ისეთი დომინანტი არტისტი, როგორიც Drake-ია, სხვა რეპერები კონკურენტულ გარემოში ყოველთვის ელიან მის დაცემას, რათა მისი ადგილი დაიკავონ.
„ჩვენს კულტურას უყვარს წარმატებული არტისტები, რადგან ეს დასტურია იმისა, რომ მათ ეს შეუძლიათ, თუმცა, როცა ფეხზე მყარად დგახარ, სურვილი გიჩნდება, რომ მუდმივად ასე იყოს. სხვა არტისტები კი შენს ტახტიდან ჩამოსვლას ელიან, რათა შანსი მათაც მიეცეთ. ეს ჩვეულებრივი სამუშაო ეთიკაა.“ – ამბობს 50 Cent.
კენდრიკისა და Drake-ის კონკურენცია წლების წინ დაიწყო, როდესაც კენდრიკ ლამარმა ის 2013 წელს Big Sean-თან ერთად ჩაწერილ სიმღერა Control-ში ახსენა და თამაშში ჩართვისკენ მოუწოდა. წლების განმავლობაში ეს დაპირისპირება არტისტების მუსიკაში, ინტერვიუებში და საჯარო გამოსვლებში სხვადასხვა სახით იჩენდა თავს, თუმცა მაისის მიწურულს ეს კონფლიქტი მინელდა. გულშემატკივრების აზრით კი ამ დაპირისპირებაში კენდრიკ ლამარმა გაიმარჯვა, რასაც კენდრიკ ლამარის სიმღერა Not Like Us ადასტურებს. სიმღერა ბილბორდ საუკეთესო 100-ში მესამე ადგილს იკავებს.
