ამერიკელი ჰიპ-ჰოპ არტისტის, TYGA-ს ნამდვილი სახელი მაიკლ რეი სტივენსონია. არტისტმა უნიკალური სტილით და შესრულების მანერით მალევე მოიპოვა საყოველთაო პოპულარობა. მის წარმატებას ხელი შეუწყო კოლაბორაციებმა ისეთ ვარსკვლავებთან, როგორებიც არიან: კრის ბრაუნი, Drake, Offset, ნიკი მინაჟი და ჯასტინ ბიბერი.
TYGA-ს პირველი დამოუკიდებელი ალბომი, No Introduction, 2008 წელს გამოვიდა, რის შემდეგაც არტისტი ლეიბლ Young Money Entertainment-ს შეუერთდა.
TYGA-მ ფართო აღიარება მოიპოვა ჰიტებით Rack City, Faded, Make It Nasty, Taste და Dip, რომელშიც ნათლად ჩანს მისი ჰიპ-ჰოპის უნიკალური სტილი. 2012 წელს გამოსულმა ალბომმა Careless World: Rise of the Last King არტისტის მუსიკალურ კარიერაში გარდამტეხი როლი შეასრულა და მუსიკოსს ფართო აღიარება მოუპოვა.
TYGA-ს ვიდეო-კლიპები ცნობილია თამამი ვიზუალით, მკვეთრი ფერებით და კრეატიული თემატიკით, რაც ჰიპ-ჰოპ მიმდინარეობაში მის სტილს ხაზს უსვამს.
TYGA-ს კარიერის განმავლობაში არაერთი ჯილდო და ნომინაცია აქვს მიღებული: 2011 წელს არტისტი საუკეთესო რეპ-ვოკალური თანამშრომლობისთვის კრის ბრაუნთან და კევინ მაკკოლთან ერთად ნომინირებული იყო „გრემიზე“ სიმღერისთვის Deuces. 2015 წელს BET Awards-ზე TYGA ნომინირებული იყო წლის საუკეთესო ვიდეო-კლიპისთვის (Loyal) და საუკეთესო კოლაბორაციისთვის. მისი მუსიკალური ვიდეოები განსაკუთრებული კრეატიულობით და შესრულებით აღინიშნა MTV Video Music Award-ის დაჯილდოებაზე.
TYGA-ს ალბომი Careless World: Rise of the Last King (2012) ამერიკის ხმის ჩამწერი ინდუსტრიის ასოციაციის პლატინის სერტიფიკატის მფლობელია და ბილბორდ 200-ზე მეოთხე ადგილი დაიმკვიდრა. 2015 წელს კრის ბრაუნთან ჩაწერილი დუეტი სახელწოდებით Ayo ბილბორდ 100-ში მერვე ადგილზე გავიდა და ამერიკის ინდუსტრიის ასოციაციის ბრილიანტის სერტიფიკატი მიენიჭა.
24 ნოემბერს ჰიპ-ჰოპ არტისტი თბილისში, „ადამი და ევას“ განახლებულ სივრცეში წარდგება, ბილეთების შეძენა ამ შემდეგ ბმულზეა შესაძლებელი
