Eurythmics-ის მუსიკალურმა ვიდეომ, რომელიც გადაღებულია 1983 წლის კლასიკურ ჰიტზე Sweet Dreams (Are Made of This), YouTube-ზე ერთ მილიარდ ნახვას გადააჭარბა. ეს ბრიტანული სინთ-პოპ დუეტის პირველი ვიდეოა, რომელიც YouTube-ის ე.წ. „მილიარდიან კლუბში” მოხვდა.
კრის ეშბრუკის რეჟისორობით გადაღებული მუსიკალური ვიდეო იწყება ჯგუფის წევრის, ენი ლენოქსის კადრით. მისი პერსონაჟი საკონფერენციო დარბაზში დეივ სტიუარტთან საქმიან შეხვედრაზე იმყოფება. კლიპში დასამახსოვრებელია ენი ლენოქსის იმიჯი, რომელიც ელეგანტურ ანდროგენულ კოსტიუმშია გამოწყობილი.
Sweet Dreams (Are Made of This) იყო ჯგუფის 1983 წლის მეორე ალბომის ბოლო სინგლი და ყველაზე ცნობილი ტრეკი. სიმღერამ Billboard-ის Hot 100-ის ჩარტში პირველი ადგილი, ხოლო Dance Club Songs-ის ჩარტში მეორე ადგილი დაიკავა. სიმღერა RIAA-ს მიერ ოქროს სერტიფიკატით დაჯილდოვდა. სიმღერის ქავერ ვერსია არაერთმა ცნობილმა არტისტმა და ჯგუფმა შექმნა.
