კანიე უესტი ბრუნდება. მუსიკოსმა სოციალურ მედიაში ხმაური 2025 წლის დასაწყისშივე გამოიწვია.
უესტმა ახალი ალბომი Bully დააანონსა და ინსტაგრამზე ორი ფოტო გამოაქვეყნა: ერთი – WRLDFMS Tony Williams-თან, ხოლო მეორე – პროდიუსერ და ხმის ინჟინერ მაიკ დინთან ერთად, რაც მათ თანამშრომლობაზე მიანიშნებს. ორივე ფოტო, როგორც ჩანს, 2016 წელს უესტის სენსაციურ Yeezy Season 3 ჩვენებაზეა გადაღებული.
ტონი უილიამსი კანიეს ბიძაშვილია და ჯერ კიდევ The College Dropout-ის შემდეგ არის რეპერის ორბიტაზე. რაც შეეხება მაიკ დინს, ის უესტთან 2021 წელს ალბომზე Donda მუშაობდა, თუმცა მათი გზები 2022 წლისთვის გაიყარა. მას შემდეგ, რაც 2024 წელს მათ Vultures-ის არც ერთ ალბომზე არ უთანამშრომლიათ, როგორც ჩანს, კანიემ და დინმა ურთიერთობა აღადგინეს.
24 გრემის მფლობელმა უესტმა 2025 წლის პირველი დღეები მალდივებზე გაატარა, სადაც მეუღლის, ბიანკა სენსორის 30 წლის იუბილე აღნიშნა. კანიემ წვეულებაზე რამდენიმე სიმღერაც შეასრულა.
Bully-ს დაანონსების გარდა, უესტმა 10 იანვარს Vultures The Movie-ს ტრეილერიც გამოაქვეყნა. ხელოვნური ინტელექტის დახმარებით შექმნილი პროექტის გამოშვების თარიღი ამ ეტაპზე უცნობია.
