2025 წლის Coachella-ს ლაინაფზე აქამდე უცნობი შემსრულებლები ედ შირანი და Weezer გამოჩნდნენ. ასევე გამოქვეყნდა წლევანდელ ფესტივალზე არტისტთა გამოსვლის დროები. Weezer 12 აპრილს, ფესტივალის პირველ შაბათს, 15:10-დან 15:55 საათამდე Mojave-ის სცენაზე წარდგება, ხოლო ედ შირანი იმავე სცენაზე მომდევნო შაბათს, 19 აპრილს, 15:00 საათზე გამოვა.
ორივე არტისტის გამოსვლას Yo Gabba Gabba!-ს შოუ მოჰყვება, რომელიც 16:45 საათზე დაიწყება.
Coachella-ს განახლებულ ლაინაფიში ედ შირანი და Weezer გამოჩნდნენ. ფესტივალზე Weezer-ის გამოჩენა, 1994 წლის სადებიუტო The Blue Album-ის 30 წლის იუბილეს ემთხვევა. ამ მნიშვნელოვანი თარიღის აღსანიშნად, ბენდი წელს სხვა ფესტივალებზეც გეგმავს გამოსვლას.
ედ შირანი კი Coachella-ზე ახალი სინგლით Azizam გამოჩნდება, რომელიც მომავალ ალბომ Play-ში არის შესული.
ფესტივალზე ლაინაფის განახლება მას შემდეგ მოხდა, რაც ცნობილი გახდა, რომ FKA Twigs ფესტივალში მონაწილეობას სავიზო საკითხების გამო ვერ მიიღებს, ხოლო Anitta-მ გამოსვლა „გაუთვალისწინებელი პირადი მიზეზების“ გამო გააუქმა.
Coachella-ს მთავარი სცენის ჰედლაინერები იქნებიან: Lady Gaga, Green Day, ტრევის სკოტი და Post Malone.
ფესტივალის არტისტთა სიაში ასევე შეხვდებით: Charli XCX-ს, MeganThee Stallion-ს, Missy Elliott-ს და სხვა ცნობილ ვარსკვლავებს.
ფესტივალი 11-13 აპრილს და 18-20 აპრილს კალიფორნიის ქალაქ ინდიოში გაიმართება. სრული განრიგის სანახავად ინფორმაცია Coachella-ს ოფიციალურ ვებგვერდზეა განთავსებული.
