26 აპრილს 31 წლის პოპვარსკვლავმა სოციალურ ქსელში ბაბუის, ბრიუს დეილის ხსოვნის პატივსაცემად ემოციური ტექსტი გამოაქვეყნა. ჯასტინის ბაბუა 24 აპრილს სტენფორდში, Rotary Hospice-ში გარდაიცვალა. როგორც ნეკროლოგშია აღნიშნული ბრიუს დეილი 80 წლის იყო.
“მახსოვს, როცა მეუბნებოდი, რომ ბებია მთელი კვირისთვის 20 დოლარს გაძლევდა ჯიბის ფულად. სულ ვახერხებდი, შენთვის პარასკევ საღამოობით, ჰოკეის თამაშებზე სნექები მეყიდა.“ – დაწერა ბიბერმა ინსტაგრამზე, სადაც ბაბუასთან ერთად გადაღებული ძველი ფოტოც გამოაქვეყნა.
“ძალიან მეტკინა. მომენატრები. ყველა იმ საოცარ მომენტს მოვიგონებ, რაც ერთად გვაქვს გატარებული.” – წერს ჯასტინ ბიბერი.
ბრიუს დეილი ჯასტინის დედის, პატი მალეტის მამა გახლდათ, რომელიც შვილიშვილს ყოველთვის მხარში ედგა. ის 2011 წლის დოკუმენტურ ფილმში, Never Say Never-შიც მონაწილეობს, 2018 წელს კი Stratford Perth-ის მუზეუმში, ბიბერისადმი მიძღვნილ გამოფენაზე მან მედიასთან მომღერლის ბავშვობის ამბებიც გაიხსენა.
