ოლივია როდრიგოს დებიუტი Glastonbury-ს ფესტივალის მთავარ სცენაზე – Pyramid Stage-ზე, 2025 წლის 29 ივნისს შედგა. მანამდე მომღერალი ფესტივალზე 2022 წელს Other Stage-ზე წარდგა, სადაც მას ლილი ალენი შეუერთდა.
სცენაზე ყოფნის დროს ოლივია როდრიგომ აუდიტორიას მიმართა და მოწვეული სტუმარი დააანონსა: „ვფიქრობ, ის ბრიტანეთში საუკეთესო სიმღერების ავტორია და ასევე ჩემი პირადი გმირი. ძალიან მიყვარს ბრიტანული ბენდები, რომლებმაც თავად ბრიტანეთიც შემაყვარეს, ასეთია, მაგალითად, The Cure.”
რობერტ სმიტი ოლივიას სცენაზე შეუერთდა და The Cure-ის ორი ლეგენდარული სიმღერა – 1992 წლის Friday I’m In Love და 1987 წლის Just Like Heaven შეასრულა.
ნახეთ ეს პერფორმანსი აქ.
The Cure-მა Glastonbury-ს ფესტივალი წინა წლებში არაერთხელ გახსნა, მათ შორის ბოლო ცნობილი გამოსვლა 2019 წელს ჰქონდა. რაც შეეხება ოლივია როდრიგოს, მისი 90-წუთიანი სეტი ფესტივალის ბოლო დღეს გაიმართა. მომღერალმა სადებიუტო ალბომ Sour-იდან (2021) და ალბომ Guts-იდან (2023) შეასრულა სიმღერები, განსაკუთრებული აღნიშვნა კი მის ჰიტებს, Get Him Back!, Brutal და Drivers License-ს მოჰყვა.
ასევე აღსანიშნავია, რომ პარასკევს ლონდონის BST Hyde Park-ში გამართულ კონცერტზე ოლივია როდრიგოს ედ შირანი შეუერთდა, სადაც არტისტებმა ჰიტი The A Team შეასრულეს.
